سوت مالىمەتىنشە، اياگوز تۇرعىنى 2024-2025 جىلدارى الەۋمەتتىك وسال جانداردى تاۋىپ، سەنىمىنە كىرگەن. ولاردى جۇمىسقا ورنالاستىرۋدى سىلتاۋ ەتىپ، شارۋا قوجالىقتارىنا جىبەرىپ وتىرعان. ال سول ءۇشىن تولەنگەن 100-400 مىڭ تەڭگە ارالىعىنداعى قاراجاتتى ءوزى يەمدەنگەن.

ءىس بويىنشا بارلىعى بەس ەپيزود انىقتالعان. كەي جاعدايلاردا ايەل جابىرلەنۋشىلەردىڭ ەركىن ءجۇرىپ-تۇرۋىنا شەكتەۋ قويىپ، قىسىم كورسەتىپ، ىشىمدىككە تاۋەلدى ەتكەن.

سوت جەڭىلدەتەتىن ءمان-جاي رەتىندە ايىپتالۋشىنىڭ كىناسىن تولىق مويىنداۋىن، وكىنۋىن، كەلتىرىلگەن شىعىندى وتەۋىن، جابىرلەنۋشىلەرمەن تاتۋلاسۋىن، جاسىن جانە "كۇمىس القا" يەگەرى ەكەنىن ەسكەردى.

جابىرلەنۋشىلەر ونى باس بوستاندىعىنان ايىرماۋدى سۇراعانىمەن، سوت 6 جىلعا ناقتى جازا تاعايىندادى. ۇكىم زاڭدى كۇشىنە ەندى.