Jýrnalıs ári kásipker Nurseıit Jylqyshybaı jáne "Alaman" ortalyǵy naýryzda dúnıe kelgen sábılerine Kenesary esimin qoıǵan ata-analarǵa qarjylaı qoldaý kórsetti, dep habarlaıdy Dalanews.kz.
1-31 naýryz aralyǵynda dúnıege kelgen balalardyń ata-analaryna 400 myń teńgeden berilip, jalpy 10 otbasyǵa 4 mıllıon teńge jórgekpul tabystaldy.
Bastama ulttyq qundylyqtardy nasıhattaýǵa, tarıhı tulǵalardyń esimin jańǵyrtýǵa jáne jas otbasylardy qoldaýǵa baǵyttalǵan.
Uıymdastyrýshylar bul aksıanyń bir rettik emes ekenin atap ótti. Qazaq handyǵynyń sońǵy hany Kenesaryny ulyqtaýǵa arnalǵan mundaı sharalar aldaǵy ýaqytta da jalǵaspaq.
Joba qoǵamda tarıhı esimderge qyzyǵýshylyqty arttyryp, ata-analardy ulttyq muraǵa jaqyndatýdy kózdeıdi. Igi bastama áleýmettik jelilerde de qyzý talqylanyp, kópshiliktiń qoldaýyna ıe boldy.
