Dáýlet Turlyhanovtyń uly Nurasyl Bolat bostandyqqa shyqty, dep habarlaidy Dalanews.kz.
Bul aqparatty redaktsiia tilshisine QAJK ókilderi rastady.
"Atalǵan sottalǵan tulǵa sot taǵaiyndaǵan jaza merzimin tolyq ótegenine bailanysty bosatyldy",- delingen QAJK jaýabynda.
Eske salaiyq, buǵan deiin depýtat Dáýlet Turlyhanovtyń uly Nurasyl Bolat jazasyn koloniiada óteitini týraly jazǵan edik.
Almaty qalalyq soty onyń apelliatsiialyq shaǵymyn qanaǵattandyrmady.
Byltyr 21 qazanda sot probatsiialyq rejimdi buzǵan Nurasyl Bolattyń bas bostandyǵyn shekteý jazasyn 1 jyl 5 aiǵa bas bostandyǵynan aiyrý jazasyna aýystyrǵan bolatyn.
Ol jazasynyń qalǵan merzimin – bir jarym jyldan az ýaqytty – qaýipsizdigi ortasha koloniiada ótkizedi.
Aita keteiik, buǵan deiin Almatyda áskeri qyzmetker belgili advokatty soqqyǵa jyqqany habarlanǵan. Bul oqiǵa 2025 jyly 11 aqpanǵa qaraǵan túni Almatynyń saýda ortalyqtarynyń biriniń mańyndaǵy parkingte bolǵan. Is qoǵamdyq daý týdyrdy.
Bul oqiǵa týraly advokat Oleg Chernovtyń áieli Anna Dmitrievich Facebook-paraqshasynda jazǵan. Olar taksige otyra bergende bir jigit júgirip kelip, soqqyǵa jyǵylǵan qyzǵa kómektesýin suraǵan.
Al keiin advokatty soqqyǵa jyqqan áskeri qyzmetker grek-rim kúresinen qazaqstandyq jáne burynǵy Keńes Odaǵynyń palýany Dáýlet Turlyhanovtyń uly bolyp shyqty. Bul aqparatty Turlyhanovtyń ózi rastaǵan bolatyn. Ol ulyna qatysty daýǵa kózqarasyn bildirip, keshirim surady.
