Qazaqstanda jasandy intellekt pen tsifrlandyrý úderisteri eńbek naryǵyna túbegeili ózgeris ákelmeidi. Eńbek jáne halyqty áleýmettik qorǵaý vitse-ministri Baqtiiar Jazyqbaevtyń aitýynsha, eldegi jumys protsesteriniń basym bóligine neirojeliler men robottar tikelei áser etpeidi, dep habarlaidy Dalanews.kz.
Bul qorytyndy ministrlik pen Eńbek resýrstaryn damytý ortalyǵy birlesip júrgizgen taldaý nátijesinde belgili bolǵan. Zertteý barysynda tsifrlyq tehnologiialardyń jumyspen qamtý salasyna yqpaly saralanǵan.
"Júrgizilgen taldaý kórsetkendei, jumys protsesteriniń 87 paiyzdan astamy tsifrlandyrý men jasandy intellekt engizilgen jaǵdaida da aitarlyqtai ózgeriske ushyramaidy. Belgili bir baǵyttarda ǵana naqty ózgerister bolýy múmkin, alaida jalpy eńbek naryǵynda aýqymdy qysqarý kútilmeidi", - dedi Baqtiiar Jazyqbaev.
Sonymen qatar vitse-ministr jasandy intellekt eń aldymen biliktiligi tómen jumys oryndaryna áser etýi múmkin ekenin aitty.
