قازاقستاندا جاساندى ينتەللەكت پەن سيفرلاندىرۋ ۇدەرىستەرى ەڭبەك نارىعىنا تۇبەگەيلى وزگەرىس اكەلمەيدى. ەڭبەك جانە حالىقتى الەۋمەتتىك قورعاۋ ۆيسە-مينيسترى باقتيار جازىقبايەۆتىڭ ايتۋىنشا، ەلدەگى جۇمىس پروسەستەرىنىڭ باسىم بولىگىنە نەيروجەلىلەر مەن روبوتتار تىكەلەي اسەر ەتپەيدى، دەپ حابارلايدى Dalanews.kz.
بۇل قورىتىندى مينيسترلىك پەن ەڭبەك رەسۋرستارىن دامىتۋ ورتالىعى بىرلەسىپ جۇرگىزگەن تالداۋ ناتيجەسىندە بەلگىلى بولعان. زەرتتەۋ بارىسىندا سيفرلىق تەحنولوگيالاردىڭ جۇمىسپەن قامتۋ سالاسىنا ىقپالى سارالانعان.
"جۇرگىزىلگەن تالداۋ كورسەتكەندەي، جۇمىس پروسەستەرىنىڭ 87 پايىزدان استامى سيفرلاندىرۋ مەن جاساندى ينتەللەكت ەنگىزىلگەن جاعدايدا دا ايتارلىقتاي وزگەرىسكە ۇشىرامايدى. بەلگىلى ءبىر باعىتتاردا عانا ناقتى وزگەرىستەر بولۋى مۇمكىن، الايدا جالپى ەڭبەك نارىعىندا اۋقىمدى قىسقارۋ كۇتىلمەيدى"، - دەدى باقتيار جازىقبايەۆ.
سونىمەن قاتار ۆيسە-مينيستر جاساندى ينتەللەكت ەڭ الدىمەن بىلىكتىلىگى تومەن جۇمىس ورىندارىنا اسەر ەتۋى مۇمكىن ەكەنىن ايتتى.
