AQSh prezidenti Donald Tramp NATO-dan shyǵý múmkindigin qarastyryp jatqanyn málimdedi, dep habarlaidy Dala News.
Onyń aitýynsha, alians AQSh-ty qoldamady jáne Iranǵa qarsy operatsiia kezinde seriktester áreketsiz qalǵan.
«NATO meni eshqashan tańǵaldyrǵan emes. Men ony árqashan qaǵaz jolbarys dep sanadym. Pýtin de muny biledi», – dedi Tramp.
Prezident ásirese Ormýz buǵazyndaǵy jaǵdaiǵa bailanysty odaqtastardyń kómektespegenin synǵa aldy. Onyń pikirinshe, AQSh-qa qoldaý «avtomatty túrde» kórsetilýi tiis edi.
Tramp Ýkrainaǵa da qatysty pikir bildirip, ony bul jaǵdaida kómek kórsetpedi dep aiyptady.
Sonymen qatar, AQSh memlekettik hatshysy Marko Rýbio da Vashington NATO-men qarym-qatynasty qaita qaraýy múmkin ekenin aitty. Onyń sózinshe, eger alians tek Eýropany qorǵaýmen shektelse, mundai seriktestiktiń máni tómendeidi.
Al Ulybritaniia premer-ministri Kir Starmer óz kezeginde eldiń ulttyq múddesine sai áreket etetinin jáne eýropalyq odaqtastarmen yntymaqtastyqty jalǵastyratynyn málimdedi.
