Sınoptıkter aldaǵy kúnderge arnalǵan aýa raıy boljamyn jarıalady, dep habarlaıdy Dalanews.kz.
Qazaqstannyń soltústiginde, shyǵysynda jáne ońtústik-shyǵysynda jaýyn-shashynsyz ári jyly aýa raıy saqtalady. Batys óńirlerge ońtústik sıklon áser etip, munda aýa raıy turaqsyz bolady.
Sıklon shyǵysqa qaraı jyljyǵan saıyn soltústik, ortalyq, ońtústik óńirlerde naızaǵaı oınap, jańbyr jaýady, keıbir kezde nóser de boljanyp otyr.
Sonymen qatar, jel kúsheıedi, kúndiz soltústik-batysta burshaq jaýady. Túngi, tańǵy ýaqyttarda tuman túsedi.
Kúndizgi aýa temperatýrasy mynadaı bolady:
- soltústik-batys pen soltústikte +15…+25 gradýstan +12…+20 gradýsqa deıin tómendeıdi,
- ońtústikte +27…+32 gradýstan +18…+25 gradýsqa deıin tómendeıdi,
- batysta +13…+20 gradýstan +18…+25 gradýsqa deıin joǵarylaıdy,
- shyǵysta +18…+26 gradýsqa deıin kóteriledi,
- ortalyqta +15…+25 gradýs shamasynda saqtalady,
- ońtústik-shyǵysta +25…+30 gradýs bolady.
