Qazaqstanda er adamdar bala kútimine bailanysty demalysqa shyqqanymen, dekrettik tólemdi tek balanyń anasy alady, dep habarlaidy dalanews.kz.
Bul týraly Eńbek jáne halyqty áleýmettik qorǵaý ministrligi málimdedi.
«Zań boiynsha dekrettik tólemdi tek analar alady. Sebebi járdemaqynyń ataýy men maqsaty ózgerip, endi ana bolýǵa bailanysty tólem dep atalady. Ol ana men balaǵa, ananyń densaýlyǵyn qalpyna keltirýge jáne ony qoldaýǵa baǵyttalǵan. Er adam bala kútimimen ainalysyp, dekrettik demalysqa shyǵa alady, biraq tólem almaidy. Járdemaqy tek anasyna beriledi», – dedi eńbek jáne halyqty áleýmettik qorǵaý ministri Asqarbek Ertaev juma kúni OKQ-da ótken brifingte.
Memlekettik áleýmettik saqtandyrý qory basqarmasynyń tóraǵasy Almas Qurmanovtyń aitýynsha, eger er adam balanyń qamqorshysy bolsa, oǵan tólem alý múmkindigi beriledi.
«Eger qandai da bir sebeppen balany er adam tárbielep, onyń qamqorshysy bolsa, ol tólem alady. Al otbasy tolyq bolǵan jaǵdaida tólem anasyna taǵaiyndalady. Er adam dekrettik demalysqa shyǵa alady, biraq aqsha anasyna aýdarylady», – dep túsindirdi ol.
