Almaty qalalyq Densaýlyq saqtaý basqarmasy Tengrinews.kz-tiń resmi saýalyna jaýap berip, eldegi alǵashqy krematorii qashan ashylatynyn naqtylady, dep habarlaidy Dalanews.kz.
Vedomstvo málimetinshe, nysan iske qosylýdyń sońǵy kezeńinde tur. Krematorii sáýirdiń sońyna qarai jumysyn bastaýy múmkin.
"10-15 sáýir aralyǵynda qalalyq patologoanatomiialyq biýro qyzmetkerlerin Novosibirde oqytý josparlanǵan. Olar Almatyǵa oralǵannan keiin krematoriidi sáýirdiń aiaǵynda ashý kózdelip otyr", - dep habarlady basqarma.
Nysandy qańtarda iske qosý josparlanǵan edi. Alaida merzimi birneshe ret keiinge shegerildi.
Aita keteiik, bul - Qazaqstandaǵy alǵashqy krematorii. Ol 2021 jyly salynǵan.
Eske salaiyq, buǵan deiin Qazaqstandaǵy alǵashqy ári jalǵyz krematorii qala ákimdigine berildi.
