Belgili jýrnalıs ári medıamenedjer Dánesh Baıbolatov "Jetisý" telearnasynyń dırektory qyzmetine taǵaıyndaldy, dep habarlaıdy Dalanews.kz.

Dánesh Baıbolatov – otandyq jýrnalısıka salasynda uzaq jyldyq tájirıbesi bar maman. Ál-Farabı atyndaǵy Qazaq ulttyq ýnıversıteti jýrnalısıka fakúltetiniń túlegi. 2002 jyly «Televızıalyq jýrnalısıka» mamandyǵy boıynsha, keıin osy oqý ornynda magıstratýrany bitirgen.

Buǵan deıin ol túrli medıajobalar men telearnalarda, baspasóz qyzmeti salasynda jumys atqardy.

Eńbek jolyn «Gala TV» prodúserlik ortalyǵy «Habar Jer», «Dela  armeıskıe» baǵdarlamalarynda jýrnalıs, redaktor retinde bastap, ár jyldary  «Progres-PR» agenttiginde PR-maman, «Azattyq» halyqaralyq radıosynda reporter, «Jas Tolqyn» jastar  baǵdarlamasynyń avtory,  redaktory, júrgizýshisi, Abaı atyndaǵy QazUPÝ-dyń halyqaralyq  qatynastar fakúltetinde oqytýshy boldy.

Keıin «Habar» arnasyndaǵy «Serpin» ekonomıkalyq, aqparattyq-taldama baǵdarlamasynyń avtory,júrgizýshisi,jaýapty    redaktory,  «As-Arqaý» baǵdarlamasynyń jaýapty redaktory, «El arna» arnasy «Shirkin life» realıtı-shoýynyń redaktory, «Astana» telearnasy jańalyqtar tilshisi retinde eńbek etti.

Ár jyldary «Panorama» prodúser ortalyǵy  jańalyqtar bóliminiń prodúseri, «Aport» telekompanıasy  telebaǵdarlamalar redaktory, «Jas Alash» gazetinde tilshi, Respýblıkalyq fızıka-matematıka mektebiniń baspasóz hatshysy, «Novostı Sentralnoı Azıı»  halyqaralyq jobasynyń  veb-redaktory, «Evrazıa Birinshi arnasy» «Zań sóılesin» baǵdarlamasynyń  jetekshisi, júrgizýshisi, Almaty kópsalaly klınıkalyq  aýrýhanasynyń (AMKB) baspasóz hatshysy, QR DSM UFǴO baspasóz hatshysy,   «Almaty» telearnasy «Sheshimi  bar» baǵdarlamasynyń júrgizýshisi boldy.

2023 jyldan beri «Habar» telearnasy Aqparattyq-saraptamalyq  baǵdarlamalar qyzmetiniń basshysy, «Dástúr» baǵdarlamasynyń  avtory, júrgizýshisi, 2024 jyldan «Habar» telearnasy tańǵy  baǵdarlamalar bóliminiń basshysy qyzmetin atqaryp keldi.