Qazaqstanda jol-kólik apattarynan bolatyn ólimge qatysty jaýapkershilik kúsheitilýi tiis, dep habarlaidy Dalanews.kz.
Bul týraly depýtat Murat Ábenov májiliste sóz qozǵady.
«Adam óltirý – bul jai jaǵdai emes, onyń artynda psihologiia jatyr. Kóbine qymbat kólik mingen, ózin bárinen joǵary qoiatyn adamdar zańnan qoryqpaidy. Qoǵamdy mensinbeidi. Ózderin adam óltirýge litsenziia alǵandai ustaidy», – dedi ol.
Depýtattyń aitýynsha, mundai jaǵdailardy qarapaiym zańbuzýshylyqtarmen teńestirýge bolmaidy.
«Biz zańbuzýshylyqtardy bólip qaraýymyz kerek. 200 km jyldamdyqpen júrgenderge bólek jaza bolýy tiis. Al 20–30 km asyryp ketken qarapaiym júrgizýshilermen birdei qaraý durys emes. Qarapaiym adamdarǵa aiyppuldy kótere berý ádiletsiz», – dedi ol.
Sonymen qatar ol jol apatynan bolǵan ólimniń quqyqtyq baǵasyna da toqtaldy.
«Bizde mundai jaǵdailar kóbine “baiqaýsyzda jasalǵan qylmys” dep baǵalanady. Al shetelde bul qasaqana qylmys retinde qaralady. Mysaly, Germaniiada mundai úshin ómir boiyna deiin jaza beriledi. Al bizde kóbine 4–5 jylmen shekteledi, 10 jyldan da aspaidy. Bul jetkiliksiz», – dedi ol.
