قىمبات كٶلٸك زاڭنان جوعارى ما?

قازاقستاندا جول-كٶلٸك اپاتتارىنان بولاتىن ٶلٸمگە قاتىستى جاۋاپكەرشٸلٸك كٷشەيتٸلۋٸ تيٸس, دەپ حابارلايدى Dalanews.kz.

بۇل تۋرالى دەپۋتات مۇرات ەبەنوۆ مەجٸلٸستە سٶز قوزعادى.

«ادام ٶلتٸرۋ – بۇل جاي جاعداي ەمەس, ونىڭ ارتىندا پسيحولوگييا جاتىر. كٶبٸنە قىمبات كٶلٸك مٸنگەن, ٶزٸن بەرٸنەن جوعارى قوياتىن ادامدار زاڭنان قورىقپايدى. قوعامدى مەنسٸنبەيدٸ. ٶزدەرٸن ادام ٶلتٸرۋگە ليتسەنزييا العانداي ۇستايدى», – دەدٸ ول.

دەپۋتاتتىڭ ايتۋىنشا, مۇنداي جاعدايلاردى قاراپايىم زاڭبۇزۋشىلىقتارمەن تەڭەستٸرۋگە بولمايدى.

«بٸز زاڭبۇزۋشىلىقتاردى بٶلٸپ قاراۋىمىز كەرەك. 200 كم جىلدامدىقپەن جٷرگەندەرگە بٶلەك جازا بولۋى تيٸس. ال 20–30 كم اسىرىپ كەتكەن قاراپايىم جٷرگٸزۋشٸلەرمەن بٸردەي قاراۋ دۇرىس ەمەس. قاراپايىم ادامدارعا ايىپپۇلدى كٶتەرە بەرۋ ەدٸلەتسٸز», – دەدٸ ول.

سونىمەن قاتار ول جول اپاتىنان بولعان ٶلٸمنٸڭ قۇقىقتىق باعاسىنا دا توقتالدى.

«بٸزدە مۇنداي جاعدايلار كٶبٸنە “بايقاۋسىزدا جاسالعان قىلمىس” دەپ باعالانادى. ال شەتەلدە بۇل قاساقانا قىلمىس رەتٸندە قارالادى. مىسالى, گەرمانييادا مۇنداي ٷشٸن ٶمٸر بويىنا دەيٸن جازا بەرٸلەدٸ. ال بٸزدە كٶبٸنە 4–5 جىلمەن شەكتەلەدٸ, 10 جىلدان دا اسپايدى. بۇل جەتكٸلٸكسٸز», – دەدٸ ول.