Qazaqstandyq jas fýtbolshy Kárim Meńdiqanov Ispanıanyń áıgili "Barselona" klýbymen kelisimshartqa otyrdy. Bul týraly ıspandyq Mundo Deportivo basylymy málimdedi, dep habarlaıdy Dalanews.kz.
15 jastaǵy oıynshy klýb quramyna kelesi maýsymda qosylady. Osylaısha, ol "Barselona" sapynda oıyn kórsetetin alǵashqy qazaqstandyq fýtbolshy atanýy múmkin.
Kárim 2022 jyly Ispanıaǵa kóship, alǵashynda "Serdanola" klýbynda oınady. Al bıylǵy maýsymda "Sant-Kýgat" komandasynda negizgi quramnan oryn alyp, oń qaptaldaǵy oıynymen erekshelendi. Mamandar ony jyldam ári tehnıkalyq deńgeıi joǵary fýtbolshy retinde baǵalap otyr.
Jas oıynshyǵa La Lıgadaǵy ózge klýbtar da qyzyǵýshylyq tanytqanymen, ol "Barselonany" tańdaǵan.
Endi qazaqstandyq fýtbolshy aldaǵy maýsymda jańa komandasynda óner kórsetip, kásibı mansabyn jańa deńgeıge kóterýdi josparlap otyr.
