قازاقستاندىق جاس فۋتبولشى كەرٸم مەڭدٸقانوۆ يسپانييانىڭ ەيگٸلٸ "بارسەلونا" كلۋبىمەن كەلٸسٸمشارتقا وتىردى. بۇل تۋرالى يسپاندىق Mundo Deportivo باسىلىمى مەلٸمدەدٸ, دەپ حابارلايدى Dalanews.kz.
15 جاستاعى ويىنشى كلۋب قۇرامىنا كەلەسٸ ماۋسىمدا قوسىلادى. وسىلايشا, ول "بارسەلونا" ساپىندا ويىن كٶرسەتەتٸن العاشقى قازاقستاندىق فۋتبولشى اتانۋى مٷمكٸن.
كەرٸم 2022 جىلى يسپانيياعا كٶشٸپ, العاشىندا "سەردانولا" كلۋبىندا وينادى. ال بيىلعى ماۋسىمدا "سانت-كۋگات" كومانداسىندا نەگٸزگٸ قۇرامنان ورىن الىپ, وڭ قاپتالداعى ويىنىمەن ەرەكشەلەندٸ. ماماندار ونى جىلدام ەرٸ تەحنيكالىق دەڭگەيٸ جوعارى فۋتبولشى رەتٸندە باعالاپ وتىر.
جاس ويىنشىعا لا ليگاداعى ٶزگە كلۋبتار دا قىزىعۋشىلىق تانىتقانىمەن, ول "بارسەلونانى" تاڭداعان.
ەندٸ قازاقستاندىق فۋتبولشى الداعى ماۋسىمدا جاڭا كومانداسىندا ٶنەر كٶرسەتٸپ, كەسٸبي مانسابىن جاڭا دەڭگەيگە كٶتەرۋدٸ جوسپارلاپ وتىر.
