Kúzgi lokomotiv keshendi tekserýde paidalaný, jóndeý jáne servistik kompaniialar qatysty. Olardyń mindeti – lokomotivterdi sýyqqa sapaly daiarlaý bolyp tabylady. Óitkeni temir joldarda qozǵalys qaýipsizdigi men tehnikalardyń senimdiligi osyǵan bailanysty. Alǵashqy aiaz túskenge deiin temirjolshylar lokomotivterdiń tehnikalyq, órtke qarsy jáne mádeni jaǵdaiyn tekserdi.
«Qysqa daiyndyq boiynsha barlyq qajetti is-sharalar aiaqtaldy», – dep atap kórsetti elordalyq lokomotiv paidalaný deposy basshysynyń óndiris jónindegi orynbasary Dastan Eleýsizov.
Qysqy maýsymǵa lokomotiv brigadalary da daiyndalýda. Olar úshin qysqy jaǵdaiǵa elektrovozdar men teplovozdardy paidalaný, qyzmet kórsetý jáne daiyndaý boiynsha tehnikalyq oqytýlar ótkizilýde.
Sondai-aq, sýyqta magistralda alǵash ret jumys isteitin jańa qyzmetkerlerdi oqytý uiymdastyryldy.
Tájiribeli tálimgerler «alǵashqy qystyqtarǵa» bekitilip berildi. Josparly tártipte jumysshylar qysqy arnaiy kiimmen qamtamasyz etilýde. Sonymen qatar depoda erekshe klimattyq jaǵdaida vibropantograftar (elektroqozǵalmaly quramda bailanysý symyna muz qatýmen kúresýge arnalǵan qural-jabdyq) qamtylǵan.
