Aqtaý portynda aǵymdaǵy jylǵy sáýirde alǵashqy iske qosylǵan kúnnen bastap búginge deiin 10 myńnan asa JFE konteiner óńdelip, ótken jyldyń barlyq kezeńimen salystyrǵanda 400%-ǵa artyq boldy.
Buǵan Transkaspii halyqaralyq kólik marshrýtyna (THKM) barlyq qatysýshylardyń úilestirilgen is-qimyly jáne konteinerlerdi jetkizýdiń búkil kezeńinde tehnikalyq jáne kommertsiialyq aspektilerdi kelisý arqasynda qol jetkizý múmkin boldy.
Konteinerler quramyndaǵy negizgi júk úlesi – Qytaidan Ázirbaijan, Grýziia, Túrkiia, Eýropa elderinen (Italiia, Rýmyniia t.b.) jáne keri baǵyttaǵy túrli taýarlar tasymaldanýda.
Aqtaý porty strategiialyq maqsattardy kózdei otyryp, mýltimodaldy tizbek seriktesteriniń ózara is-qimyly úshin óz aýmaǵynda ońtaily jaǵdai jasap, sonymen birge búkil marshrýttyń básekege qabilettiligin arttyra otyryp, is júzinde turaqty konteinerlik servisti damytyp otyr.
Eske sala ketsek, THKM – Qytai, Qazaqstan, Kaspii teńizi, Ázirbaijan, Grýziia jáne ári qarai Túrkiia, Eýropa elderi arqyly ótetin mýltimodaldy halyqaralyq kólik dálizi.
