اقتاۋ پورتىندا اعىمداعى جىلعى ساۋىردە العاشقى ىسكە قوسىلعان كۇننەن باستاپ بۇگىنگە دەيىن 10 مىڭنان اسا جفە كونتەينەر وڭدەلىپ، وتكەن جىلدىڭ بارلىق كەزەڭىمەن سالىستىرعاندا 400%-عا ارتىق بولدى.
بۇعان ترانسكاسپيي حالىقارالىق كولىك مارشرۋتىنا (تحكم) بارلىق قاتىسۋشىلاردىڭ ۇيلەستىرىلگەن ءىس-قيمىلى جانە كونتەينەرلەردى جەتكىزۋدىڭ بۇكىل كەزەڭىندە تەحنيكالىق جانە كوممەرسيالىق اسپەكتىلەردى كەلىسۋ ارقاسىندا قول جەتكىزۋ مۇمكىن بولدى.
كونتەينەرلەر قۇرامىنداعى نەگىزگى جۇك ۇلەسى – قىتايدان ءازىربايجان، گرۋزيا، تۇركيا، ەۋروپا ەلدەرىنەن (يتاليا، رۋمىنيا ت.ب.) جانە كەرى باعىتتاعى ءتۇرلى تاۋارلار تاسىمالدانۋدا.
اقتاۋ پورتى ستراتەگيالىق ماقساتتاردى كوزدەي وتىرىپ، مۋلتيمودالدى تىزبەك سەرىكتەستەرىنىڭ ءوزارا ءىس-قيمىلى ءۇشىن ءوز اۋماعىندا وڭتايلى جاعداي جاساپ، سونىمەن بىرگە بۇكىل مارشرۋتتىڭ باسەكەگە قابىلەتتىلىگىن ارتتىرا وتىرىپ، ءىس جۇزىندە تۇراقتى كونتەينەرلىك سەرۆيستى دامىتىپ وتىر.
ەسكە سالا كەتسەك، تحكم – جۇڭگو، قازاقستان، كاسپيي تەڭىزى، ءازىربايجان، گرۋزيا جانە ءارى قاراي تۇركيا، ەۋروپا ەلدەرى ارقىلى وتەتىن مۋلتيمودالدى حالىقارالىق كولىك ءدالىزى.
