– مەملەكەت باسشىسى بەلگٸلەگەن مٸندەتتەردٸ ساپالى ٸسكە اسىرۋ, قويىلعان KPI مەجەلەرٸنە قول جەتكٸزۋ ٷشٸن پروتسەستٸڭ بارلىق قاتىسۋشى بٸرقاتار جٷيەلٸ مەسەلەنٸ بٸرلەسٸپ شەشۋٸ تيٸس. بٷگٸنگٸ الاڭ پٸكٸر الماسۋعا, وسى باعىتتاعى سىن-قاتەرلەر مەن قولدا بار ەلەۋەتتٸ باعالاۋعا مٷمكٸندٸك بەرەتٸنٸنە قۋانىشتىمىن, – دەدٸ "قازاقمىس كورپوراتسيياسى" جشس باسقارما تٶراعاسى نۇراحمەت نۇريەۆ فورۋم بارىسىندا.
نۇراحمەت نۇريەۆ وتاندىق ٶندٸرٸستٸ قولداۋدا مەملەكەت تاراپىنان تاۋ-كەن سەكتورىنىڭ ساتىپ الۋ قىزمەتٸنە رەتتەۋشٸلٸك ىقپال ەتۋ مەسەلەسٸن اتاپ ٶتتٸ.
سپيكەردٸڭ ايتۋىنشا, 2007 جىلى جەر قويناۋىن پايدالانۋشىلار ٷشٸن تاۋار, جۇمىستار مەن قىزمەتتەردٸ ساتىپ الۋدىڭ بٸرىڭعاي قاعيدالارىن قابىلدانعانعا دەيٸن تاۋ-كەن سەكتورىندا ارنايى رەتتەۋ بولماعان.
– قاعيدالاردىڭ بٸرٸنشٸ رەداكتسيياسىنىڭ قابىلدانۋىمەن نورماعا جەكە جەر قويناۋىن پايدالانۋشىلاردىڭ ساتىپ الۋ رەسٸمدەرٸن مەملەكەتتٸك رەتتەۋدٸڭ نەگٸزگٸ قاعيداتتارى الىندى.
جالپى, 2010-2018 جىلدار ارالىعىنداعى كٷردەلٸ رەفورمالارعا, سونىڭ ٸشٸندە ساتىپ الۋ تەسٸلدەرٸنە قاراماستان, بۇل قاعيدالار ساتىپ الۋدى رەتتەۋدٸڭ پرينتسيپتەرٸن, مودەلدەرٸ مەن تەسٸلدەرٸن تۇجىرىمدامالىق تٷردە ساقتاپ قالدى.
باستاپقى كەزەڭدە قاعيدالاردى ەنگٸزۋ نارىقتىڭ دامۋىنا جەنە ونى رەتتەۋگە سەرپٸن بەردٸ. مۇنىڭ بەرٸ وتاندىق ٶندٸرۋشٸلەرگە دامۋعا مٷمكٸندٸك بەردٸ. بٸراق ۋاقىت ٶتە كەلە جەكەلەگەن نورمالار مەن تەسٸلدەردٸ ەسكەرٸپ, ساتىپ الۋ قاعيدالاردىڭ كەيبٸر جٷيەلٸ سەتتەرٸ وتاندىق ٶندٸرٸستٸ دامىتۋدا تەجەۋشٸ فاكتورعا اينالدى, – دەدٸ نۇراحمەت نۇريەۆ.
كوررپوراتسييا تٶراعاسى باعانى قايتا قاراۋعا مٷمكٸندٸك بەرەتٸن يكەمدٸ جٷيەنٸڭ شارتتارىن قاراستىرۋ قاجەت دەپ ەسەپتەيدٸ. سونداي-اق, ول مەملەكەتتٸك ساتىپ الۋدىڭ ەلەكتروندىق جٷيەسٸندەگٸ مەسەلەلەرگە دە توقتالدى.
ونىڭ ايتۋىنشا, تاپسىرىس بەرۋشٸ جەنە جەتكٸزۋشٸلەرمەن تولىق كٶلەمدە ٶزارا ٸس-قيمىل جاساۋ ٷشٸن جاڭا ەلەكترون جٷيەنٸ ەزٸرلەۋ جەنە ەنگٸزۋ جٶنٸندەگٸ مەسەلەنٸ جەدەلدەتۋ قاجەت.
نۇريەۆ تاۋ-كەن كومپانييالارى ٷشٸن ساتىپ الىناتىن ٶنٸمنٸڭ ساپاسى ماڭىزدى ەكەنٸن دە اتاپ ٶتتٸ. سول سەبەپتٸ وتاندىق تاۋار ٶندٸرۋشٸلەر ەلەمدٸك ستاندارتتارعا باعدارلاپ, ٶندٸرٸستٸك پروتسەستەرٸ مەن تەحنولوگييالارىن جەتٸلدٸرۋگە, ساپا مەنەدجمەنتٸ جٷيەسٸن دامىتۋعا ۇمتىلۋى كەرەك.
– "ٶنەركەسٸپتٸك ساياسات تۋرالى" زاڭىنىڭ قولدانىستاعى نورمالارىن نارىققا يكەمدەپ, مەملەكەتتٸڭ ىنتالاندىرۋ شارالارىن ەنگٸزۋٸن قامتاماسىز ەتەتٸندەي قايتا قاراۋ قاجەت. بۇل شارا ٶندٸرٸستەردٸ تابىستى ٸسكە قوسۋ ٷشٸن مەملەكەتتٸك قولداۋ شارالارىن ساپالى ەكٸمشٸلەندٸرۋگە ەلەۋلٸ ىقپال ەتەدٸ, سۇرانىس پەن ۇسىنىستى تٷسٸنۋ ٷشٸن قاجەتتٸ اشىقتىق پەن ايقىندىقتى ارتتىرادى دەپ ويلايمىن, – دەدٸ نۇراحمەت نۇريەۆ ٶز بايانداماسىندا.
ايتا كەتەيٸك, ٸس-شارا بارىسىندا جەر قويناۋىن پايدالانۋشىلار مەن وتاندىق تاۋار ٶندٸرۋشٸلەر جالپى قۇنى 37 ميلليارد 929 ميلليون تەڭگەنٸ قۇرايتىن شارتتار مەن وففتەيك-كەلٸسٸمشارتتار مەن ۇزاق مەرزٸمدٸ مەموراندۋمعا قول قويدى.
شەتەلدٸك ينۆەستورلاردىڭ جەنە رەسپۋبليكانىڭ بارلىق ٶڭٸرلەرٸنەن 2 مىڭنان استام دەلەگات قاتىستى. فورۋمدا ەل ەكونوميكاسى ناقتى سەكتورىنىڭ قاجەتتٸلٸكتەرٸ ٷشٸن تاۋارلاردى, جۇمىستار مەن كٶرسەتٸلەتٸن قىزمەتتەردٸ لوكاليزاتسييالاۋدى كەڭەيتۋ مٷمكٸندٸكتەرٸ جان-جاقتى تالقىلاندى.
سونىمەن قاتار جەر قويناۋىن پايدالانۋدى, كٶمٸر ٶنەركەسٸبٸن, كٶلٸك جەنە ەنەرگەتيكا سالالارىن ودان ەرٸ دامىتۋ پەرسپەكتيۆالارى جايلى ەڭگٸمە ٶربٸدٸ.
