ق ر ۇكىمەتىنىڭ «2021-2030 جىلدارعا ارنالعان بالىق شارۋاشىلىعىن دامىتۋ باعدارلاماسىنا» سايكەس، وبلىستا 2030 جىلعا دەيىن 20 مىڭ توننا تاۋارلى بالىق ءوندىرۋ ءۇشىن 136 شارۋاشىلىق اشۋ جوسپارلانعان.
تۇركىستان وبلىسىنا ىسساپارمەن كەلگەن ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ تۇركىستان وبلىسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى قايرات ابدۋالييەۆپەن بىرگە اتالمىش اۋدانعا باردى.
الدىمەن مۇزداتىلعان بالىق، فيلە ونىمدەرىن وندىرەتىن «جك جالعاسبايەۆ» بالىق وڭدەۋ زاۋىتىنا بارعان مينيستر شارۋاقوجالىق جۇمىسىمەن تانىستى. 2016 جىلى ىسكە قوسىلعان بۇل كاسىپورىننىڭ اۋماعى 1،57 گەكتار جەردى قۇرايدى.
كاسىپكەر الداعى ۋاقىتتا ىستالعان جانە كەپتىرىلگەن بالىق تۇرلەرىن قوسۋدى جوسپارلاپ وتىر. ءونىمنىڭ 90% شەتەلدەرگە ەكسپورتتالۋدا. اتاپ ايتقاندا، ەۋروپا، رەسەي، تمد. قۋاتتىلىعى جىلىنا 1000 توننا قۇرايتىن زاۋىتتا 50 ادام تۇراقتى جۇمىسپەن قامتىلعان. بيىل 9 ايدا وندىرىلگەن ءونىم كولەمى – 500 توننا. «دامۋ ايماق» باعدارلاماسى اياسىندا قۇرال-جابدىقتار ساتىپ الىندى.
ساپار اياسىندا مينيستر اۋدانداعى «حاميت» اۋىلشارۋاشىلىق وندىرىستىك كووپەراتيۆىنىڭ بالىق وڭدەۋ زاۋىتىنا ايالدادى. كاسىپورىننىڭ تىنىس-تىرشىلىگىنە جەتە قانىققان مينيستر سۋ قويماسىندا ورنالاسقان تورلى شارباقتاعى بالىق ءوسىرۋ جۇمىسىمەن دە تانىستى.
«حاميت» اوك-ى بالىق وندەۋ زاۋىتىنىڭ ديرەكتورى ب.سەرمانيزوۆ ءمينيستردى زاۋىتتىڭ بۇكىل تىنىس-تىرشىلىگىمەن تانىستىرىپ، جۇمىس ونىمدىلىگى مەن ءونىم ساپاسىنىڭ ەداۋىر ارتقاندىعىن ايتتى. مينيستر بۇل شارۋاشىلىقتا كووپەرتيۆتەر قۇرۋ ارقىلى ءونىمنىڭ كولەمىن ۇلعايتۋعا بولاتىنىن جەتكىزدى. كاسىپورىن ۆاككۋمدى، كەپتىرىلگەن، ىستالعان جانە تۇزدالعان بالىق پەن فيلە ونىمدەرىنەن جىلىنا 6000 توننا ءونىم وندىرەدى. 2006 جىلى قۇرىلعان ءوندىرىس ورنىندا 250 ادامعا جۇمىس ىستەيدى. شىعارىلاتىن ءونىم ەكسپورتقا ەۋروپا ەلدەرىنە باعىتتالعان.
بۇدان كەيىن شاردارا سۋ قويماسىنداعى ونەركاسىپتىك بالىق اۋلاۋ، شاباقتاندىرۋ پروسەسىمەن تانىسقان سوڭ اقشەڭگەلدى اۋىلدىق وكرۋگىندەگى «بولاشاق» شارۋا قوجالىعىندا بولدى. 100 ملن. تەڭگە ينۆەستيسيا تارتىلعان ءوندىرىس ورنى 2019 جىلى ىسكە قوسىلعان. قۋاتتىلىعى 300 توننا قۇرايتىن كاسىپورىندا جايىن، تۇقى تۇقىمداس بالىق وندىرىلەدى. ءونىمنىڭ 50 پايىزى شەتەلدەرگە ەكسپورتتالۋدا. 2،3 گا اۋماقتى قۇرايتىن ءوندىرىس ورنىندا 5 ادام جۇمىسقا الىنعان.
سونداي-اق جىلىنا 350 توننا تۇقى، بەكىرە تۇقىمداس بالىق وسىرىلەتىن «VITA» ءجشس-نىڭ شارۋاشىلىعىنا ات باسىن تىرەپ، تورلى شارباقتا بالىق ءوسىرۋ جۇمىسىمەن تانىستى.
جالپى وبلىستا جەرگىلىكتى ماڭىزى بار 104 سۋ ايدىنى تىركەلگەن. ونىڭ 86-سى تابيعات پايدالانۋشىلارعا بەكىتىلىپ بەرىلگەن. وڭىردە تاۋارلى بالىق وسىرۋمەن 126 كاسىپكەرلىك سۋبەكتىسى اينالىسۋدا. بيىلعى جىلدىڭ 9 ايدىڭ قورىتىندىسىمەن 2473 توننا بالىق ونىمدەرى وڭدەلىپ، 1935 تونناسى شەت ەلدەرگە ەكسپورتتالدى.
بيىلعى جىلعا 6640،0 توننا ءبالىقوسىرۋ جوسپارلانىپ، 9 ايدىڭ قورىتىنىدىسىمەن 4050 تونناعا ورىندالدى. بالىق شارۋاشىلىعىن دامىتۋعا مەملەكەتتىك قولداۋلار كورسەتىلەدى. ال اكۆاوسىرۋ بويىنشا بيىل جەرگىلىكتى بيۋدجەتتەن 500 ملن. تەڭگە ءبولىنىپ، بۇگىندە 31 شارۋاشىلىققا سۋبسيديا بەرىلدى. بۇدان بولەك، ينۆەستيسيالىق سالىمداردى سۋبسيديالاۋعا رەسپۋبليكالىق بيۋدجەتتەن 226 ملن. تەڭگە قاراستىرىلىپ، 68،3 ملن. تەڭگەسى يگەرىلدى.
