Bizdiń halyqta “bir it kórip úredi, bir it erip úredi”-degen sóz bar. Advokattardyń kásibi zańnamasyna qatysty daý-damai tóńireginde kei áriptesterimniń áreketteri osy sózdi eriksiz eske túsirdi.
Zaman talabyna sai bolý degen uǵym bar.
“Zamanyń túlki bolsa, tazy bop shal”-deidi. Qazir aqparat maidany zamany. Haip, piar degen terminder de qazirgi zaman talabyna sai shyqqan anyqtamalar.
Bastapqyda HAIP pen PIAR - óner adamdary men jastarǵa tán edi. Endi bul nárse eń sereznyi, salmaqty degen sala-quqyq salasyna, atap aitqanda, quqyqqorǵaýshylarǵa da juqty. Onyń ishinde de jastaryna juqsa meili, saliqaly jastaǵylarynyń da keibiri “juldyz” aýrýymen aýyratyn boldy.
Onyń belgileri qandai, soǵan toqtala ketsek,
- “Qyryq kisi bir jaq, qyńyr kisi bir jaq”- bop, “búirekten siraq shyǵarý” arqyly ÓZIN tanytý;
- Óz pikirimen kelispeitin, nemese sóziniń salmaǵy, máni bar qarsy ýáj aitqan adamdy bloktap, pikirin óshirip tastaý, namysyna tietin sóz jazý;
- Isterdi (nemese zańnama normalaryn) tolyqqandy zerttep, zerdelemei, el aldynda baibalam salý arqyly kópshilik nazaryn ózine aýdarý;
Osy tektes belgilerdi ary qarai da tize berýge bolady, árine... Neǵurlym aiǵailai bersek, durys bolsyn, burys bolsyn, protest jasap, kelispeýshilik bildire bersek, asqan bilim iesi bop kórinemiz dep oilasa kerek.
Eń ókinishtisi-zań bilimi joq basqa mamandyq ieleri, onyń ishinde qarapaiym halyq sol aiqaishylarǵa qulai senedi. Ar jaǵyndaǵy túpki maqsatyn ańǵarmaidy. Baibalamnyń tórkinin túsinbeidi. Shýlaýǵa, shýlatýǵa turatyn nárse me, joq “atyń shyqpasa, jer órte”-degen printsippen jasalyp jatqan aila ma, bylaiǵy jurt qaidan bilsin?...
P.S. Biraz ýaqyttan beri “Manastyń jyryndai” uzaq “jyrlanyp” jatqan, advokattar men zań konsýltanttarynyń kásibi zańyna qatysty elimizdegi biraz zańgerler tarapynan jasalyp jatqan Qorytyndylarǵa aldaǵy ýaqytta óz kózqarasymdy bildirip, post jazam. Bul joly adami faktorlarǵa ǵana toqtaldym.
