«Dýman yqshamaýdanynda uzyndyǵy 27,4 km bolatyn 53 kóshege asfalt tóseý úshin negiz daiyndalýda. Eń kúrdeli ýchaskelerge mán berip, jumysshy men tehnikanyń sanyn kóbeitýdi tapsyrdym» dep jazdy Almaty ákimi.
2020 jyly Dýman yqshamaýdanynyń Han táńiri, Qazyǵurt, Qarqaraly, Aqmeshit, Býrabai, Bolashaq kóshelerinde jalpy uzyndyǵy 3,1 km, trotýarlar men aryq jelileri salyndy, jol tósemine kúrdeli jóndeý júrgizildi. Qoǵamdyq kóliktiń qaýipsiz qozǵalysyn qamtamasyz etý úshin terminaldyń burylý aimaqtary abattandyryldy.
Túrksibke tiesili Nurshashqan yqshamaýdanynda 7 kóshege iri asfaltbeton tóselip, 18 kóshede negiz daiyndalyp, 8 kóshege trotýar salyndy. Álmerektegi 9 kóshede, Qairattaǵy 7 kóshede negiz daiyndaldy. Ójet yqshamaýdanynda da jumystar jalǵasýda. Eki kóshege iri asfaltbeton tóselip, 6 kóshede negiz daiyndaldy.
– Barlyq ýchaskelerde jumysty jandandyrý kerek. Zańbuzýshylyqtar oryn alsa, merdigerler jaýapkershilikke tartylady. Qala turǵyndary baiaý júrgizilgen jumys pen jaýapsyz jumysshylardan zardap shekpeýi tiis, – dep atap ótti qala ákimi.
Sondai-aq, talshyqty-optikalyq jeli boiynsha joǵary jyldamdyqty internettiń qoljetimdiligi máselesi sheshilýde. Joba pilottyq rejimde Túrksibtegi Nurshashqan yqshamaýdany men Naýryzbai aýdanyna qarasty Tastybulaq yqshamaýdanynda qosyldy. Qosylýǵa 8 myńnan astam ótinim jinaldy. Qyzmet aqysyn bólip tóleýge bolady. Áleýmettik jaǵynyn az qamtylǵan azamattarǵa jeńildetilgen paketter de bar.
