Elimizdiń jetekshi mobildi operatory «Ksell» 5G tehnologiiasyn ken oryndarynda óristetý arqyly Qazaqstannyń taý-ken ónerkásibin tsifrlandyrýǵa nietti, dep habarlaidy Dalanews.kz.
Bul týraly búgin Astanada ótip jatqan 14-shi halyqaralyq taý-ken metallýrgiia kongresi men kórmesinde operatordyń ókili habarlady. Kompaniianyń josparynda zamanaýi jeli negizinde óndiristik alańdarda pilotsyz tehnikany iske qosýǵa kómektesý jáne ishki tsifrlyq ekojúie, mashinaaralyq ózara is-qimyldy retteý, dispetcherleý jáne taǵy basqa óndiris qyzmetin avtomattandyrý bar.
Esterińizge sala keteiik, Kcell elimizdiń birqatar óndiristik alpaýyttarynda bailanys jelisin tartyp, Private LTE jeke jelilerin ashqan TMD boiynsha alǵashqy operatorlardyń biri jáne Qazaqstandaǵy tuńǵysh operator. Jeke jelilerdi óndiriske ornata otyryp, operator birden birneshe mindetterdi sheshýge múmkindik berdi, olar: biznes-protsesterdi avtomattandyrý, M2M mashinaaralyq kommýnikatsiialaryn qurý, IoT sensorlary arqyly derekter almasý, Push To Talk jabyq radio bailanysy, tsifrlyq beinebaqylaý, qaýipsizdik júielerin biriktirý, qajet bolǵan jaǵdaida keńeitýge jáne jańa qyzmetter men quraldarmen tolyqtyrýǵa bolatyn ózindik bólek, ishki tsifrlyq ekojúiesin iske qosý. Endi «Ksell» óndiristi tsifrlandyrýdy budan da tereńirek endirýge kiristi: taý ken óndirisindegi alpaýyttarǵa besinshi býyn tehnologiiasyna negizdelgen jeke nemese Private Network jelisin iske qosýdy josparlap otyr. Bul kásiporyndar aldynda tsifrlyq jáne tehnologiialyq transformatsiiaǵa sheksiz múmkindikter jasaýǵa jol ashady.
«Biz qazirdiń ózinde tek úsh alyp kompaniianyń óndiristik alańdarynda-KAZ Minerals, Polymetal International jáne ERG kenishterinde birneshe ondaǵan bazalyq stantsiialardy ornatyp, Private LTE jelisin tarttyq. Mysaly, ERG kompaniiasynyń alty kombinatynda biz 216 km2 aýmaqty qamtityn kenish alańyna 40-tan astam bazalyq stantsiia qoidyq. Bul Taraz nemese Semei siiaqty qalalardyń aýmaǵymen salystyrýǵa bolady. Bul rette, áriptestermen birlesip jelilerdi óndirý men paidalanýdy jetildirý boiynsha turaqty jumys istep jatyrmyz. Máselen, qazir óndiriste alǵashqy 5G-jelisin iske qosýǵa daiyndyq jumystary júrýde. Osy tehnologiianyń negizinde qashyqtan basqarylatyn tehnikany iske qosý josparlanýda»,- dep atap ótti «Ksell» AQ Biznes-naryqty damytý departamentiniń direktory Dinara Qasymova.
Jalpy alǵanda, 5G tehnologiiasyna keletin bolsaq, «Ksell» jobasy ótken jyldyń basynan bastap iske asyrylýda jáne búgingi kúni el boiynsha operator 800-den astam jańa býyn bazalyq stantsiialaryn salyp, iske qosty. Júzdegen myń qazaqstandyqtar qazirdiń ózinde jańa bailanys tehnologiiasy boiynsha barlyq telekom-qyzmetterdi jáne tsifrlyq servisterdi paidalana alady. Alaida, qarapaiym qazaqstandyqtar 5G jelisiniń keń múmkindikterin tolyqqandy qoldanbaidy, iaǵni mamandardyń aitýynsha, tehnologiia múmkindikteriniń az ǵana bóligin «kádege jaratady». Al Private LTE/5G jelisiniń áldeqaida úlken áleýeti ónerkásipte jáne kásiporyndarda ashylady. Jańa bailanys standarty kenishter men kombinattardyń barlyq júielerin, qyzmetteri men biznes-protsesterin biriktirý arqyly ortalyqtan basqarýǵa, alyp tehnikalardy qashyqtan baqylap igerýge múmkindik beredi.
«Biz 4 jyl buryn elimizdegi alǵashqy Private LTE kommertsiialyq jelilerin alǵashqylardyń biri bolyp ornatyp, pLTE qurylysyndaǵy izashar boldyq desek te bolady. Jelilerdi ónerkásiptik paidalanýǵa 2020 jyldyń qyrkúieginde Shyǵys Qazaqstan oblysyndaǵy «Aqtoǵai» kenishinde KAZ Minerals kompaniialar toby engizdi. Buryn shahtada qyzmetkerler úshin de, mashinaaralyq ózara árekettesý úshin de birneshe túrli bailanys júieleri jumys istegen. Degenmen jyldam damyǵan tehnologiialyq protsessterge tsifrlandyrýdyń úzdik úlgilerine bul jeliler sai kelmei jatty. Osy rette Private LTE óndiristegi barlyq protsesterdi ońtailandyryp, qaýipsizdik sharalaryn kúsheitýge múmkindik berdi.
Munan keiin bizde Polymetal International jáne ERG kásiporyndarynda jeke jelilerdi óristetýdiń tabysty keisteri boldy. Al jaqynda «Baqyrshyq taý-ken kásipornynda» jeke jeliler tartylyp, bul dispetcher úshin bailanys arnasyn iske qosýǵa, temir jolda kontsentrattyń tielýin beinebaqylaýǵa múmkindik ashty. Bul kásiporyn mamandaryna «tikelei efirde» temirjol stantsiiasynda jumystardyń qalai júrgizilip jatqanyn baqylaýǵa múmkindik berdi»,- deidi Dinara Qasymova.
Aitpaqshy, jeke jeli nemese Private Network nemese Private LTE — bul uiym nemese kásiporyn úshin qaýipsiz jáne basqarylatyn bailanys quralyn qamtamasyz etetin jáne birqatar biznes-protsesterdi avtomattandyrýǵa múmkindik beretin táýelsiz, jabyq uialy bailanys jelisi jáne pLTE kompaniialardy tsifrlyq transformatsiialaýǵa, ártúrli tsifrlyq qyzmetter men tehnologiialardy ornalastyrýǵa jáne biriktirýge negiz bola alady. Onyń múmkindikteri mol: zattar interneti, jasandy intellekt, úlken derekter, bultty esepteý, robototehnika jáne óndiristik infraqurylym sheńberindegi protsesterdi avtomattandyrý, smart fabrikalar, tsifrlyq egizder qurý jáne t.b.
Taǵy bir derek, World Economic Forum kompaniiasynyń Connected Workers baǵytyndaǵy zertteýine sáikes, 2025 jylǵa qarai búkil metallýrgiia jáne taý-ken ónerkásibi úshin intellektýaldy elektronikalyq qurylǵylardy qoldanýdyń ekonomikalyq áseri shamamen 85 milliard dollardy quraidy jáne 500-den astam qutqarylǵan adam ómiri dep aitýǵa bolady.
