Jetisailyq kásipker plastikalyq qaldyqtarday qaita óńdep, kádege jaratýda
Al, naryqta tutynýshylarǵa qajetti, suranysqa ie taýarlarmen qamtamasyz etý – áleýmettik turǵyda eldiń ahýalynyń jaqsarýyna alyp keledi.
Álemdik deńgeide oryn alǵan epidahýal keibir kásipkerlerdiń isine keri áser etse, endi bireýlerine jańa jobalardy júzege asyrýyna yqpal etti.
Karantinde qarap jatpai aýyl sharýashylyǵy salasyndaǵy bilimin biznespen ushtastyrǵan jandardyń biri Jetisai aýdanyna qarasty Jyly sý aýyldyq okrýginiń turǵyny Qozybai Áshekov. Qarapaiym aýyl agronomy uly Altaimen birge qazirgi tańda plastikalyq qaldyqtardan (bosaǵan baklashkalardan) maqta teretin kombaindarǵa asa qajetti shpindeldi shetka men qalyńdyǵy 1mm bolatyn jip shyǵaryp jatyr.
Buǵan deiin atalmysh shetkany kórshiles Ózbekstan elinen tapsyryspen alyp kelgen kombain júrgizýshileri aýyl azamatynyń qolynan shyqqan ónimniń sapasynyń joǵary, baǵasynyń arzan ekendigin aitady. Bir kombainǵa 96 dana ketetin bir maýsymǵa jaramdy ózbeksandyq shetkanyń árbir danasy bazar naryǵynda 4 myń teńge bolsa, Qozybai Áshekovtyń qolynan shyqqan eki maýsymǵa jaramdy ónimniń baǵasy sonyń teń jartysy, iaǵni, 2 myń teńge turady. Osylaisha otbasylyq biznesti damytyp otyrǵan Qozybai Ábdirashimuly qolynan is keletin aýyldyń taǵy bir turǵynyn jumyspen qamtyp otyr. Qoldaǵy barymen kásip ashqan azamat aldaǵy ýaqytta memlekettik qoldaýmen nesie alýǵa nietti.
– Memleketimizdiń júieli saiasatynyń nátijesinde jyl saiyn kásipkerlerge jasalatyn memlekettik qamqorlyqtardyń qatary artyp, beriletin nesielerdiń sýmmasy da kóbeiip keledi. Biz de sol baǵdarlamalarǵa qatysyp, jeńildetilgen paiyzben nesie alýdy, aldaǵy ýaqytta kásibimizdi keńeitsek, ónim kólemin arttyrsaq degen jospardamyz, – deidi Qozybai Áshekov.
Búginde qol kúshimen ǵana jumys júrgizip otyrǵan azamattar kúnine 25 danaǵa deiin shpindeldi shetka jasap jatyr. Ótken jyly 28, biyl 40-qa tarta kombainǵa ónim daiyndaǵan azamattar tapsyrystyń kún sanap artyp otyrǵanyn aitady.
Aita keteiik, Qozybai Áshekovtyń otbasy shpindeldi shetka shyǵarýmen ǵana emes, sonymen qatar, jyly jai, baý-baqsha ósirý isin de durys jolǵa qoiǵan. Búginde aýyldyń 60 paiyzyn jyl boiy kókónispen qamtamasyz etip keledi.
Eldegi shaǵyn jáne orta biznesti damytý maqsatynda qabyldanǵan memlekettik baǵdarlamalar jeke kásippen shuǵyldanamyn, kásibimdi keńeitemin deýshilerge barlyq múmkindikterdi berip otyr. Bul eldegi jumyssyzdyqty joiýǵa oń áseri eteri sózsiz ekeni anyq.
