Belgili jýrnalıs Dına Tólepbergen jeke ómirindegi janjalǵa qatysty basy daýǵa qalǵan telejúrgizýshi Ashat Sadyrbaıǵa qatysty oıyn aıtty,dep habarlaıdy Dalanews.kz.
Dına Tólepbergennen oqyrmandary "Ashat Sadyrbaıdy nege "Astarly aqıqattan" alyp tastamaısyz" dep suraı bastaǵan.
“2024 jyldyń qańtarynda men júrgizýshilikti toqtattym. Meniń ornyma Berdimurat Hasen keldi. Ony ózim usyndym. Mamyrǵa deıin baǵdarlamanyń óndirisine meniń kompanıam jaýap berdi. Maýsymda búkil komandammen jobadan kettik. Túsinikti bolý úshin "Astarly aqıqatty" kólikke teńesem, men ony aıdadym, jóndedim, jolǵa shyǵardym. Biraq bir kúni kiltti ıesine tapsyrdym. Odan keıin ol kólikti kim júrgizetinin men sheshpeımin. Men óz baǵytymmen júrmin”, – dedi jýrnalıs.
Sondaı-aq telejúrgizýshi áriptesiniń is-áreketin qatań túrde synady.
“Men adamdy onyń jeke ómirinen bólip qaraı almaıdy ekenmin. Sebebi adam – tutas. İsi men sózi bir jerden shyqpasa, ol – jalǵan. Jumys pen ómir eki bólek bolsa, ol – aldaý", – dep jazdy Dına Tólepbergen.
Aıta keteıik, tanymal telejýrnalıst Ashat Sadyrbaıdyń ekinshi áıeli Aıǵanym Bolatqyzy Kyn.kz YouTube arnasyna suhbat berip, burynǵy kúıeýinen kórgen qorlyqtary týraly aıtyp bergen bolatyn.
«Ashat jol apatynan soń, biraz qalada turyp, biz aýylǵa kettik. Keıinnen ol baldaqpen júre bastady. Men balany emizip jatqanda enem Ashatqa baryp, «balany bermeı jatyr» degen. Sol kezde Ashat kelip baldaǵymen meni uratyn», - deıdi kelinshek.
Onyń aıtýynsha, Ashat Sadyrbaı otbasynda bolǵan kıkiljińdi sheshý úshin birden anasyna habarlasyp otyrǵan.
«Jańadan úı alyp, Astanaǵa kóshtik. Ár urys bolǵan saıyn anasyna habarlasatyn. Anasy da júgi jınalyp, kelýge daıyn turatyn. Birnárseni sheshýdi anasyna ysyryp qoıatyn. Aramyzǵa túsip, biz eshteńeni sheshe almaıtynbyz. Kóp renjitken soń men úıime ketip qaldym. Ol keshirim surap keletin», - deıdi Aıǵanym Bolatqyzy.
