«Taza Qazaqstan» respýblikalyq baǵdarlamasy men «Almaty – bizdiń ortaq úiimiz» qalalyq naýqany aiasynda Almatyda qoǵamdyq keńistikterdi kógaldandyrý qarqyndy túrde jalǵasyp keledi, dep habarlaidy Dalanews.kz.
Kóriktendirýdiń mańyzdy kezeńderiniń biri Qarasý shaǵynaýdanyndaǵy skverge iri aǵashtar otyrǵyzý edi. Munda biiktigi 6 metr bolatyn 42 qaraǵai egildi. Iri kóshetterdiń tamyr júiesi jaqsy damyǵan, dińi berik, táji qalyń, bul olardyń jyldam beiimdelýine jáne ornyǵyp ketýine sep. Mundai aǵashtardy otyrǵyzý shaǵyn aýdannyń estetikalyq kelbetin jaqsartýmen qatar, jasyl aimaqtar quryp, avtokólik shyǵaryndylarynan aýanyń lastaný deńgeiin tómendetýge jáne ekologiialyq jaǵdaidy jaqsartýǵa yqpal etedi.
Aǵashtardyń uzaq merzimdi saqtalýy men kútimi úshin zamanaýi avtomatty sýarý júiesi qarastyrylǵan. Úsh jyl boiy egilgen kóshetterge kepildik mindettemeleri aiasynda merdiger uiym kútim jasaidy, sodan keiin olardy kútip-ustaý mindeti Alataý aýdany ákimdigine ótedi.
Shaǵynaýdan turǵyndary oń ózgeristerdi qazirdiń ózinde baiqap otyr.
«Bul tamasha bastama, – deidi Gaýhar Sherálieva. – Buryn bul jerde bos alań bolatyn, jazda qýraǵan shóp órt qaýpin týdyratyn. Endi skver jańaryp, jasyl jelekke orandy: qylqan japyraqty aǵashtardyń hosh iisi, kóleńkeli oryndar – bári de jaily ári qolaily orta qalyptastyrady».
«Bul qaraǵailar óskende ózindik mikroklimat jasap, kólik qozǵalysynan tabiǵi jasyl tosqaýyl qurady, – deidi Aleksandr Mezentsev. – Osyndai aýada tynystaý densaýlyqqa paidaly. Biz Qarasý turǵyndary, bul kórikti jerdi saqtaýymyz kerek».
Aýdan turǵyny Valentina Mezentseva da oń ózgeriske joǵary baǵa berdi.
«Biz bul jerde 1994 jyldan beri turamyz. Buryn bul jer bos jatqan edi, qazir bári ózgerdi. Jasyl jelek kóbeidi, qaraǵailar otyrǵyzyldy. Ádemi, jaily orta qalyptasty. Jergilikti turǵyndar serýendeýge jii shyǵyp, bir-birimen aralasa bastady, balalar taza aýada oinap júr», - deidi ol.
Iri kólemdi aǵashtar QR Ekologiia jáne tabiǵi resýrstar ministrligine qarasty Orman sharýashylyǵy jáne janýarlar álemi komitetiniń «Botanika jáne fitointrodýktsiia institýty» mamandarynyń usynysyn eskere otyryp otyrǵyzyldy. Joba megapolistegi jasyl aimaqtardy damytý jáne qolaily qala ortasyn qalyptastyrýǵa baǵyttalǵan.
Aita keteiik, biyl naýryzda Almatyda 2000-ǵa jýyq iri aǵash otyrǵyzý josparlanǵan. Biiktigi keminde 4 metr bolatyn kóshetter Sain, Rysqulov, Sátbaev kóshelerinde, Kókjiek shaǵynaýdanynda, Gúlder saiabaǵynda jáne basqa da qoǵamdyq keńistikterde otyrǵyzylyp, qalanyń kógaldandyrylýyna jáne ekologiialyq ahýalyn jaqsartýǵa úles qosady.
