Almatyda respýblikalyq «Taza Qazaqstan» baǵdarlamasy men qalalyq «Almaty – ortaq úiimiz» bastamasy aiasynda jyljymaly ekohab uiymdastyryldy. Qala turǵyndary plastikti qaita óńdeý úderisimen tanysyp, ekologiialyq jaýapkershilik týraly kóbirek maǵlumat aldy jáne plastikalyq buiymdardy fandomatqa ótkizip, aqshalai syiaqy alý múmkindigin synap kórdi,- dep habarlaidy Dalanews.kz
Is-shara Panfilov kóshesinde ótti. Dál osy jerde bir jyl buryn qala ákimdiginiń jobalyq keńsesiniń qoldaýymen Qazaqstandaǵy alǵashqy fandomat ornatylǵan bolatyn. Sodan beri bul oryn ekologiialyq bastamalardyń simvoldyq núktesine ainaldy.
Eco Network jobasynyń negizin qalaýshy Evgenii Muhamedjanov mundai bastamalar qala turǵyndaryna ekologiialyq ádetterdi sińirýge kómektesetinin atap ótti.
"Fandomattar – bul plastik qaldyqtarynan qutylýdyń yńǵaily ádisi ǵana emes, sonymen qatar qorshaǵan ortaǵa sanaly kózqarasty qalyptastyrýdyń quraly. Biz adamdardyń qarapaiym áreketi de ekologiiany jaqsartýǵa úles qosa alatynyn túsingenin qalaimyz. Qaldyqtardy qaita óńdeý bir rettik emes, kúndelikti ómirdiń bir bóligine ainalýy tiis. Almaty ekologiialyq bolashaqqa qarai qadam jasap keledi jáne bul tek bastamasy!", – dedi ol.
Is-shara qonaqtarynyń arasynda 5-synyp oqýshysy Iliias Ahmetov te boldy.
"Eger ár aýlada osyndai apparattar ornatylsa, eshkim plastik bótelkelerdi jai ǵana qoqysqa tastamas edi. Ekologiia týraly buryn oilanbaǵan dostarymnyń ózi qyzyǵa bastady. Biz mektepten keiin plastik jinap, ony ótkizip turýǵa kelistik", - deidi ol.
