Almaty áýejaiynda erlik kórsetken Musa Ábdiraiym ózin “qoiylym keiipkeri” dep aiyptaǵandarǵa jaýap berdi, dep habarlaidy Dalanews.kz.
“Biri batyr deidi, endi biri bul qoiylym dep sanaidy. Qaidaǵy kino?! Mundai jaǵdaidy aldyn ala uiymdastyrý múmkin emes, bul aqylǵa qonymsyz!” – dedi ol ZTB-ǵa bergen suhbatynda.
Qoǵamda onyń áreketi qyzý talqylanyp jatqanymen, ózi eń bastysy – qyzdyń aman qalǵanyna shúkirshilik etetinin aitty.
“Prezidenttiń marapaty men halyqtyń qoldaýy, árine, qýantady. Biraq men úshin eń mańyzdysy – adam ómirin qutqarý boldy”, – dep atap ótti Musa Ábdiraiym.
Eske salaiyq, buǵan deiin Almatyda er adam áýejai qyzmetkerin kepilge alǵanyn jazǵan edik.
Áýejai ókilderiniń sózinshe, 7 naýryzda áýejaidyń ushý aldyndaǵy tekserý aimaǵynda bolǵan.
Saǵat 11:45 shamasynda ózin jolaýshy retinde tanystyrǵan er adam ishki terminaldaǵy (T1) reis aldyndaǵy tekserý aimaǵyna kelgen. Almaty halyqaralyq áýejaiynyń aviatsiialyq qaýipsizdik qyzmetiniń skrining qyzmetkerleri er adamnan qujattaryn kórsetýdi suraǵan, biraq er adam skrining ofitserin shashynan ustap alyp, pyshaqpen qorqyta bastaǵan.
7 minýttan keiin áýejaidyń jelilik politsiia bóliminiń (LPD) qyzmetkerleri jáne Almaty halyqaralyq áýejaiynyń aviatsiialyq qaýipsizdik qyzmetkerleri oqiǵa ornyna keldi. Alaida kúdiktiniń qolyndaǵy pyshaqty Musa Ábdiraiymov esimdi azamat tartyp alyp, qyzǵa kómek kórsetti.
Nátijesinde prezident Qasym-Jomart Toqaev Almaty áýejaiynda qylmyskerdi ustaýǵa kómektesken er adamdy memlekettik nagradaǵa usynýdy tapsyrdy.
Bul týraly Prezidenttiń baspasóz hatshysy Rýslan Jeldibai jelidegi paraqshasynda osylai dep jazdy.
“Prezident qylmyskerdiń sýyq qarýyn tartyp alyp, ustaýǵa kómektesken er adamnyń batyldyǵyn erekshe atap ótip, atalǵan azamatty memlekettik nagradaǵa usynýdy tapsyrdy” dedi baspasóz hatshysy.
Kozachkov telegram-arnasynyń jazýynsha, ol politsiia qyzmetkeri emes – oqiǵa ornyna kezdeisoq tap bolǵan jáne [qyzmetkerdi bosatyp], ózin kepildikke alýdy usynǵan. Videoda onyń pyshaqty úshkir jaǵynan jyldam tartyp alǵany kórinedi.
