Abai oblysynyń qala-aýdandarynda sý tasqynyna qarsy is-sharalar aiasynda jergilikti ákimdikter men kommýnaldyq qyzmetter kúsheitilgen rejimge kóshti, dep habarlaidy Dalanews.kz
Kókpekti aýdanynda qar jamylǵysynyń ortasha biiktigi - 77 sm. Jerdiń tońy - 72 sm. Aýdan aýmaǵyndaǵy respýblikalyq, oblystyq jáne jergilikti mańyzy bar avtomobil joldarynda 13 kópir jáne 107 sý ótkizgish qubyr ornalasqan. Qazirgi tańda barlyǵy qardan tazartylǵan. Aýdan boiynsha 34,2 myń tekshe metr qar shyǵarylǵan. Syiymdylyǵy 150 adamdyq evakýatsiialyq pýnktter daiyndalǵan. Uzyndyǵy 1800 metr bolatyn bóget soǵý jumysy júrgizilýde.
Aiagóz aýdanynda qar jamylǵysynyń deńgeii - 51 sm, jerdiń tońy - 23 sm. Aiagóz qalasyndaǵy 44 kósheden 108 500 tekshe metr qar shyǵarylǵan. 5 kóshede jumys jalǵasýda. Aýdanda sý tasqynyna qarsy sharalarǵa 55 tehnika, 36 evakýatsiialyq qabyldaý pýnkti men 4 ýaqytsha ornalastyrý pýnkti daiyndalǵan. Aiagóz qalasy men basqa eldi mekenderde ózen arnalaryn tazartý jáne jaǵalaýdy nyǵaitý jumysy júrgizilýde.
Maqanshy aýdanynda aýa raiynyń qolaisyzdyǵyna bailanysty qar tazalaý jáne shyǵarý jumysy kúsheitilgen rejimde júrgizildi. Qar tazalaýǵa 60 adam, 21 tehnika jumyldyrylyp, nátijesinde 3900 tekshe metr qar shyǵaryldy. Kólikterdiń qalypty júrýi men turǵyndardyń qaýipsizdigin qamtamasyz etý úshin tiisti sharalar qabyldandy. Qazirgi ýaqytta qar tazalaý jalǵasýda.
Besqaraǵai aýdanynda da saqtyq sharalary júrgizilýde. Azamattyq qorǵaý organdary men kommýnaldyq qyzmetter kúsheitilgen rejimge kóshti. Sý tasqynynyń aldyn alý jáne saldaryn joiý úshin qajetti inertti materialdar men otyn qory ázirlendi. Sý ótkizý infraqurylymyna baqylaý kúsheitildi. Jol boiyndaǵy barlyq mańyzdy sý ótkelderi tazartyldy.
Borodýliha aýdanynda 140 sý ótkizý qurylǵysy men 15 kópir tazartyldy. 4000 myń qap inertti material daiyndaldy. Aýdanda jyl basynan beri 21 myń tekshe metr qar shyǵaryldy. Inertti materialdyń qory - 250 tonna.
Tasqyn qaýpiniń aldyn alý maqsatynda 5 naýryzda Krasnyi-Iar jáne Rechnoe aýyldary aýmaǵyndaǵy Úbi ózeninde muz jarý jumysy júrgizildi.
Abai aýdanyndaǵy aýyldyq okrýgterden 605 tekshe metr qar shyǵaryldy. Aýdan boiynsha 8100 qap, 500 tonna inerttik material daiyndaldy. Aýdandyq mańyzy bar avtojoldardaǵy 56 sý aǵar jáne oblystyq mańyzy bar joldardaǵy 153 sý aǵar tazartyldy. Sondai-aq jospardan tys sý tasqynynyń aldyn-alý jáne qaýipti azaitý úshin Qaraýyl jáne Shaǵan ózenderiniń jaǵalaýlarynyń úiindilerin kóterý, arnalaryn túzetý jumystary júrgizildi.
Aqsýat aýdanynda sý ótkizgish qubyrlar, kópirler, toǵandar, aýyl arasynan ótetin aryqtardyń arnalary qardan tazartyldy. Eldi mekenderden 7400 tekshe metr qar shyǵaryldy, jumys jalǵasýda.
Eske salaiyq, buǵan deiin elimizdegi sý tasqyny qaýpi joǵary aimaqtar ataldy. Olardyń qatarynda Aqtóbe, Qostanai, Qaraǵandy, Aqmola, Soltústik Qazaqstan, Shyǵys Qazaqstan oblystary jáne Ulytaý jáne Abai oblystary bar.
