Búgin, 12 naýryzda Mańǵystaý oblysynyń ákimi Nurdáýlet Qilybai Túpqaraǵan aýdanynyń ortalyǵy Fort-Shevchenko qalasynda 100 otbasyǵa arnalǵan turǵyn jaidyń ashylý rásimine qatysty. Bul páterler áleýmettik jáne biýdjettik sala qyzmetkerlerine qoljetimdi baspana usyný maqsatynda salynǵan, dep habarlaidy Dalanews.kz.
Jalpy aýmaǵy 2,6 gektardy quraityn jańa nysan eki qabatty jataqhanadan turady. Munda bir jáne eki bólmeli 100 páter qarastyrylǵan. Onyń 84-i bir bólmeli, 16-sy eki bólmeli. Sonymen qatar, jataqhanada balalar oiyn alańy, sport alańy jáne avtoturaq bar.
Oblys basshysy Nurdáýlet Qilybai páter ielerin jańa qonystarymen quttyqtap, bul igilikti istiń júzege asýyna demeýshilik jasaǵan kompaniiaǵa alǵysyn aitty.
"Memleket basshysynyń sheshimimen elimizde biylǵy jyl «Jumysshy mamandyqtar jyly» dep jariialandy. Bul bastama jumysshy mamandyqtarynyń mańyzdylyǵyn arttyrýǵa, jastardy osy salaǵa tartýǵa, suranysqa ie mamandyqtar boiynsha bilikti kadrlardy daiarlaýǵa múmkindik beredi. Bul jańa jataqhanada jas áleýmettik jáne biýdjettik sala qyzmetkerleriniń jaily ómir súrýine barlyq jaǵdai jasalǵan. Jańa qonystaryńyz qutty bolsyn! Osy iske muryndyq bolǵan azamattarǵa alǵys bildiremiz. Aldaǵy ýaqytta aýdandy damytýǵa qatysty júieli josparlar bar. Bul baǵytta jumystar jalǵasatyn bolady", – dedi oblys ákimi Nurdáýlet Qilybai.
Aita keteiik, atalǵan joba NCOC kompaniiasynyń qarjylyq qoldaýymen júzege asyryldy.
