Qonaevtaǵy Bólek ata kesenesi memleketke qaitaryldy, dep habarlaidy Dalanews.kz.
Atalǵan nysandy ornalastyrý úshin alańy 1,5941 ga jer ýchaskesi 2004 jyly Qapshaǵai qalasy (qazirgi Qonaev) ákiminiń qaýlysymen jeke menshikke «Bólek batyr Jalaiyr» Qoǵamdyq qory JShS-ne berilgen. Al 2022 jylǵy 26 tamyzdaǵy Almaty qalasynyń mamandandyrylǵan aýdanaralyq ekonomikalyq sotynyń sheshimimen «Bólek batyr Jalaiyr» qoǵamdyq qory májbúrli túrde joiylǵan. Arada bir jyl ótken soń nysan iesiz múlik retinde esepke alynǵan.
Osyǵan bailanysty Qonaev qalasynyń ákimdigi sotqa júgingen. Ákimdik nysandy iesiz jáne kommýnaldyq menshikke túsken dep taný týraly ýáj aitqan. Al úshinshi tulǵanyń ókili bul talappen kelisip, memorialdy keshenniń mańyzy zor jáne ony kútip ustaý úshin shyǵyndar qajet ekenin, qazirgi tańda keshenniń qaraýsyz ekenin kórsetken. Sot QR qoldanystaǵy zańnamalaryna sáikes, ákimdiktiń talabyn qanaǵattandyryp, nysandy memleket menshigine qaitarýdy uiǵardy.
Bul keshen mádeniet bóliminiń ieligine ótip, memleket qorǵaýynda bolady.
