قونايەۆتاعى بولەك اتا كەسەنەسى مەملەكەتكە قايتارىلدى، دەپ حابارلايدى Dalanews.kz.
اتالعان نىساندى ورنالاستىرۋ ءۇشىن الاڭى 1،5941 گا جەر ۋچاسكەسى 2004 جىلى قاپشاعاي قالاسى (قازىرگى قونايەۆ) اكىمىنىڭ قاۋلىسىمەن جەكە مەنشىككە «بولەك باتىر جالايىر» قوعامدىق قورى جشس-نە بەرىلگەن. ال 2022 جىلعى 26 تامىزداعى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن «بولەك باتىر جالايىر» قوعامدىق قورى ءماجبۇرلى تۇردە جويىلعان. ارادا ءبىر جىل وتكەن سوڭ نىسان يەسىز مۇلىك رەتىندە ەسەپكە الىنعان.
وسىعان بايلانىستى قونايەۆ قالاسىنىڭ اكىمدىگى سوتقا جۇگىنگەن. اكىمدىك نىساندى يەسىز جانە كوممۋنالدىق مەنشىككە تۇسكەن دەپ تانۋ تۋرالى ءۋاج ايتقان. ال ءۇشىنشى تۇلعانىڭ وكىلى بۇل تالاپپەن كەلىسىپ، مەموريالدى كەشەننىڭ ماڭىزى زور جانە ونى كۇتىپ ۇستاۋ ءۇشىن شىعىندار قاجەت ەكەنىن، قازىرگى تاڭدا كەشەننىڭ قاراۋسىز ەكەنىن كورسەتكەن. سوت ق ر قولدانىستاعى زاڭنامالارىنا سايكەس، اكىمدىكتىڭ تالابىن قاناعاتتاندىرىپ، نىساندى مەملەكەت مەنشىگىنە قايتارۋدى ۇيعاردى.
بۇل كەشەن مادەنيەت ءبولىمىنىڭ يەلىگىنە ءوتىپ، مەملەكەت قورعاۋىندا بولادى.
