Májilistegi "Aq jol" fraktsiiasynyń jetekshisi Azat Perýashev Kólik ministrligine aýyr aiyp taqty. Depýtat quzyrly vedomstvo otandyq tasymal naryǵyn Resei men Belarýs kompaniialarynyń jaýlaýyna septesýde dep esepteidi. Sóitken ol bul sóziniń dáleli retinde birneshe mysal da keltirdi, dep habarlaidy Dalanews.kz.
"Keibir júieli problemalar boiynsha biz memlekettik organdardyń áreketsizdigine nemese olardyń máseleniń ózektiligin túsinbeýine bailanysty depýtattyq saýaldarymyzdy qaitara joldaýǵa májbúrmiz. Atap aitqanda, 2024 jyly 20 qarasha men 18 jeltoqsanda "Aq jol" fraktsiiasy Resei jáne Belarýs tarapynan josyqsyz básekelestikke tap bolǵan qazaqstandyq júk tasymaldaýshylardyń nuqsan kelgen múddelerin qorǵap, depýtattyq saýaldar joldady. Bul halyqaralyq tasymaldarǵa ruqsat blankilerin berýdiń jańa tártibine, qazaq-qytai shekarasyndaǵy elektrondyq kezekke jáne Resei Federatsiiasy men Belarýs aýmaǵy boiynsha jol júrý sharttaryna (qazaqstandyq júrgizýshilerdi aýystyrý, tek qazaq tasymaldaýshylar úshin qaita tirkeýge jáne qaita tieýge tyiym salý jáne t.b.) qatysty. Nátijesinde, naryqty kórshi EAEO elderiniń iri kompaniialary basyp aldy, al negizinen shaǵyn jáne orta biznes ókilderi bolyp tabylatyn otandyq kásipkerler barlyq jerde yǵystyrylyp, shettetilip, jumysynan aiyrylýda", - dedi Perýashev sársenbidgi Májilis otyrysynda.
Nátijesinde, ol Qazaqstannyń tranzittik áleýetine jáne milliardtap investitsiia salǵan Batys Eýropa-Batys Qytai trassasynan qazaqstandyq tasymaldaýshylar emes, kez kelgen bóten paida kórip qaryq ekenin basa aitady.
"Biz joldaǵan saýaldarymyzǵa jaýap aldyq, biraq jaǵdai túzelmegen, kerisinshe nasharlai túsýde, oǵan osy salanyń 400-den astam kásipkeriniń jaqynda jasaǵan úndeýi dálel", - dedi depýtat.
Ol taǵy bir mysal keltire ketti.
"6 qarasha, 12 aqpan jáne 5 naýryz kúnderi biz Premer-ministrge jáne Bas prokýrorǵa jeke temir joldardy basyp alý, jeke tasymaldaýshylardy yǵystyrý jáne tranzittik tasymaldarǵa quqyqty tek QTJ atynan memlekettik monopoliiaǵa bekitý jónindegi Kólik ministrliginiń zańsyz áreketterine shaǵymdanyp, saýaldar joldadyq. Kólik ministriniń buiryǵy memlekettik jáne jeke menshik teńdigi men teńdei qorǵalýyn tikelei bekitetin Konstitýtsiiadan jáne Úkimettiń ekonomikaǵa qatysýyn qysqartý jáne ádil básekelestikti qamtamasyz etý mindetin qoiǵan Prezidenttiń "ekonomikany yryqtandyrý týraly" Jarlyǵynan joǵary bolǵany ma?"- dep surady májilismen.
Sondai-aq, ol 6 qarasha men 26 aqpanda fraktsiia monopolist – "Jambyl elektr jelileri" JShS-niń, josyqsyz áreketterine qatysty depýtattyq saýal joldady. Ol "Fabrika POSh" (jún tútetin, óńdeitin fabrika) JShS-ny reiderlik jolmen basyp alý áreketine barýda.
"Bizdiń sol saýaldarymyzǵa jaýap qatqan monopoliiaǵa qarsy organ da, Energetika ministrligi de bul buzýshylyqtardy baiqamaǵanyn aitady, áitpese bul kózge birden kórinetin ap-anyq ekonomikalyq nonsens: myna arada barlyq qadaǵalaý vedomstvolary monopolistke basqa tulǵa kórsetetin qyzmet úshin aqy alýǵa múmkindik berip otyr. Iá, kásiporyndardy qorǵaýdyń ornyna, Energetika ministrligi taǵy da tek monopolistke aqy tóleýdi qarastyratyn joldy usynýda. Onda da ainalyp ótetetin jelini óz aqshalaryna saldyrtyp, biraq tarifti monoplistke tóletindei etip degendei. Nege jún óńdeý fabrikasynyń infraqulymyn tegin qoldanbasqa? Ol týraly eshkim jaq ashpaidy", - deidi depýtat.
Onyń aitýynsha, kásipkerler monopolist pen jergilikti monopoliiaǵa qarsy organdardyń ózara aýyz jalasa áreket etip otyrǵanyn ashyq ashyna aitýǵa májbúr.
"Bul erekshe jaǵdai emes, máselen Túrkistan oblysynyń Saryaǵash aýdanyndaǵy "Altyn Bulaq" shipajaiyn alaiyq. Bul arada da tabysty biznesti basyp alý úshin ákimshilik ókilettikter paidalanylǵan jaǵdailar bar, bul týraly biz úsh márte saýal joldadyq. Memlekettik organdardyń resmi jaýaptaryna qaramastan, "Aq jol" fraktsiiasy mundai faktilerge qarsy turýdy jalǵastyrady", - dedi Perýashev sóz sońynda.
Aita ketsek, 14 qańtarda Kólik ministri Marat Qarabaev pen Avtomobil kóligi jáne kóliktik baqylaý komitetiniń tóraǵasy Altai Áli, sondai-aq "qazaqstandyq" firmalar retinde ózin kórsetken Belarýs pen Resei firmalary Qaýipsizdik keńesine shaǵymdanǵanyn habarlaǵan edi.
