Qarasai aýdanynda aýqymdy investitsiialyq jobalar júzege asyrylýda. Munda jańa óndirister ashylyp, logistikalyq ortalyqtar iske qosylyp, myńdaǵan jumys orny ashylyp jatyr. Bul aýdan ekonomikasynyń damýyna jáne biznespen ainalysýǵa jaǵdaidy jaqsartýǵa serpin beredi,- dep habarlaidy Dalanews.kz
Eń iri jobalardyń biri — ońtústikkoreialyq KT&G kompaniiasynyń temeki ónimderin shyǵaratyn zaýyty. Zaýyttyń jyldyq ónimi 177 milliard teńge somaǵa josparlanǵan. Munda 180 adam jumys isteidi.
Logistika salasy da belsendi damýda. «Fokýs Logistik» kesheniniń birinshi kezeńi aiaqtalyp, OZON qoimasy ashyldy, bul 250 adamdy jumyspen qamtamasyz etti. Naýryz aiynda UNION qoimasy iske qosylady, ol taǵy 100 jumys ornyn ashady. «Imagine Apple City» jobasy aiasynda 500 jańa jumys orny paida bolady.
Jalpy alǵanda, aýdan boiynsha 4500 jumys orny ashylady dep josparlanyp otyr.
Qarasai aýdany tek sheteldik emes, sonymen qatar otandyq kompaniialardy da tartyp jatyr. Alkogolsiz sýsyndar óndirýshi Caspian Beverage Holding («Býratino» brendi) Almatydan zaýytyn kóshirmek. Bul aýdannyń ónerkásiptik áleýetin arttyryp, qosymsha jumys oryndaryn ashady.
«Aýyl amanaty» baǵdarlamasy aiasynda 106 jobany qoldaýǵa 928 million teńge bólindi. Aýdanda sý únemdeitin tehnologiialar engizilýde, qaita óńdeý kásiporyndary men agrobiznes damyp jatyr.
Aýdanda mektepter, meditsinalyq mekemeler jáne mádeni nysandar salynyp jatyr:
2025 jyly Almalybaqta 1500 oryndyq, Bulaqtyda 900 oryndyq mektepter ashylady;
Jibek Joly men Áiteide mádeniet úileri paida bolady;
Abai men Úshterek aýyldarynda dárigerlik ambýlatoriialar salynyp jatyr.
«Investitsiia tartý — aýdannyń damýy úshin mańyzdy mindet. Jańa kásiporyndar tek qarjy quiyp qana qoimai, jumys oryndaryn da ashady. Bul bizdiń jumystyń basty basymdyǵy», — dep atap ótti Qarasai aýdanynyń ákimi Jasulan Estenov.
