Aqmola oblysynda TJD qutqarýshylary jappaı jumystan shyǵyp jatyr, dep habarlaıdy Dalanews.kz Ulysmedia.kz-ke siltep.
NayzaKokshe málimetinshe, Shýchınsk qalasynda serjanttardyń shatyrdy óz qarajatyna jóndeýge májbúr bolǵany týraly aqparat tarady. Jelide bul jańalyq jarıalanǵan soń, oǵan qarsy aıyptaýlar týraly jazbalar da taraı bastaǵan. Oqıǵa ornynda prokýratýra ókilderi jumys istep, bárin óz kózderimen kórip qaıtqan.
Dál osydaı jaǵdaı Zerendi aýdanynyń tótenshe jaǵdaılar bóliminde de bolǵan. Jelide olardyń da jóndeý jumystarymen, kafel tóseýmen aınalysqany týraly aqparat tarady. Biraq bul málimet jarıalanǵannan keıin aqparat óship ketken.
Shortandy aýdanynda taǵy bir jaǵdaı bolǵan – PCH-18 órt sóndirý bóliminiń búkil ujymy tótenshe jaǵdaılar bólimi basshysy Erbol Aýbakırovty qoldaý maqsatynda jumystan ketý týraly raport jazdy.
Búgin ótken jınalysta oǵan otstavkaǵa ketý usynylǵan, buǵan órt sóndirý bóliminiń jeke quramy narazy bolǵan. Qyzmetkerler bul sheshimmen kelispeıtinin aıtyp, narazylyq retinde jumystan kete bastaǵan.
Órt sóndirýshiler ádildik talap etip, oblys bıliginiń sheshimimen kelispeıtinin aıta bastaǵan. Olar mundaı kadrlyq ózgerister naqty jaǵdaı men kásibı jetistikterdi eskere otyryp, ádil qabyldanýy tıis dep sanaıdy.
