«Eýraziia álemi» pikir-saiys klýbynyń kezekti otyrysy «Eýraziia keńistigindegi integratsiialyq úderisterdiń nátijeleri men stsenariileri» taqyrybyna arnaldy.
Jiynnyń shymyldyǵyn túrgen saiasattanýshy Edýard Poletaev: «Reseiden ózge odaqqa birikken elderdiń áriptestigi sonshalyqty joǵary deńgeide emes. Bálkim, bul odaqtyń bolashaǵy baiandy bolýy úshin naqty jospar jasaý qajet shyǵar?» degen pikir bildirdi.
Óz kezeginde «Sibir-Eýraziia» sarapshylar klýbynyń atqarýshy direktory Sergei Kozlov integratsiialyq protsestterdiń úsh ólshemi bar ekenin aitty.
– Munyń eń bastysy mádeni keńistik. Sosyn mynadai jaǵdai bar. Bizdi biriktirip otyrǵan ne? Orystildi qalalyq mádeniet. Qazir bul mádeniet jan-jaqtan úlken qysymǵa ushyraýda. Bizge osy mádenietti saqtap qalý kerek
– dedi ol.
Óz kezeginde ekonomist Aidarhan Qusaiynov: «Jalpy mundai odaqtastyqtan qashyp qutyla almasymyz anyq edi. Odaqtas elder óz tańdaýyn jasady. «Reseimen bolǵanymyz jaqsy ári tiimdi, Ýkrainanyń taǵdyryn keship júrmelik» dedi olar. Keler jyly integratsiia óziniń eń qiyn kezeńine keledi. Ol ne deisizder me? Kelesi jyly Reseide prezident sailaýy ótedi», – degen oi aitty.
Jýrnalist Evgenii Pastýhovtyń pikirinshe belgili bir memleketterdiń uiymǵa, ujymǵa, odaqqa, qaýymdastyqqa birigiýi búgin paida bolǵan joq. Burynnan bar.
«Aitalyq, áigili Napaleon Bonapart birikke Eýropa birlestigin qurýdy armandady. Buǵan soǵystyń kómegimen qol jetkizbek boldy.
Keiinnen 1826 jyly áigili Simon Bolivar quramyna Kolýmbiia, Boliviia, Perý jáne Chili kirgen Ońtústik Birikke Shtattaryn qurǵanyn málimdei jazdady.
Jalpy mundai odaqqa dástúr-turmystary uqsasa, saiasi, áleýmettik-mádeni bailanystary áli de bolsa saqtalǵan memleketter birigedi.
Onda turǵan túk joq. Mundai odaqtar atalǵan memleketter álemdik saiasi sahnadan óz ornyn tapqansha kerek bolady», – dedi ol.
Jiyndy túiindegen ǵalym Asqar Nursha: «Odaqtas elderdiń mádeni bailanysy týraly aitqanda birjaqty pikir bildirýden saq bolǵanymyz jón. Aitýynsha,
Keńes odaǵy kelmeske ketti, postkeńestik keńistiktiń aqyry da jaqyn.
– Sondyqtan da qazirgi ýaqytta basqasha oilaý qajet. Keńester odaǵynda 15 respýblika bolady. Bul qatarǵa Baltyq elderin de qosyp otyrmyn. Baiqasańyz biz Baltyq eldiń osy sizder aitqan postkeńestik keńistikke qospaimyz. Sebebi, olar bul keńistikten birden ketip qaldy. Basqa mádenietke aýysty. Basqa túsinikke kóshti.
Baltyq elderin kórgen basqa da birqatar memleketter solardyń jolyn qaitalady. Sonyń biri Ýkraina. Moldova da solai. Grýziia da…
Jalpy jańa álem keldi. Jáne osy jańa álemdi qabyldaý kerek. Biz Keńes odaǵynan baiaǵyda alystap ketti. Alystai beremiz, – dedi sarapshy.
