– Eýrazıalyq ekonomıkalyq odaq ortaq naryq qurý jolynda belsendi áreket etip jatyr. Bul etene áriptesýdiń eń tıimdi jol. Biraq, gýmanıtarlyq áriptestikke kelgende talqylaýǵa tıisti mindetter men máseleler áli de kóp. Sonyń biri bilim standarty. Ázirgi kúni Eýrazıalyq rektorlar odaǵyn qurý týraly usynystar aıtylyp jatyr, – dedi óz sózinde «Eýrazıa álemi» QQ tóraǵasy, saıasattanýshy: Edýard Poletaev, «Eýrazıa álemi» QQ tóraǵasy, saıasattanýshy:
Al Zonakz.net ınternet gazetiniń saıası sholýshysy Vladıslav Iýrısynnyń aıtýynsha Qazaqstandaǵy bilim berý salasynyń sapasyn jaqsartý óte aýyr, al Eýrazıalyq odaqqa múshe elderdiń arasynda dál osy bilim salasynda ózara áriptestik ornatý odan da qıyn. «Nege deseńizder, bilim salasyn óte aýyr ıntegrasıalanady. Tipti, ataqty Bolon prosesiniń ózine Eýropadaǵy birneshe beldi joǵary oqý orny qol qoımaı qoıǵan. Sebebi, onyń nátıje bererine kúmánmen qaraǵan» dedi Iýrısyn.
Bul tarapta pikir bildirgen «Almagest» konsaltıńilik kompanıasynyń bas dırektory Aıdarhan Qusaıynov óz sózinde: «Eýrazıalyq odaq aıasynda elderdiń bilim salasyn ıntegrasıalamaý turyp aldymen bul qadamnyń qanshalyqty nátıje bererine nazar aýdarǵanymyz durys» dedi.
Óz kezeginde «Lıter» qoǵamdyq saıası gazetiniń saıası sholýshysy Oleg Sıdorov: Dál qazir biz ortaq eýrazıalyq dıplom týraly aıtyp otyrmyz. Biraq, munyń mánisi bar ma? Postkeńestik elderdegi korrýpsıanyń áli de joǵalmaǵanyn eskersek, onyń qadiri qanshalyqty bolady?
Otyrysty túıindegen Prezıdentiń janyndaǵy Strategıalyq zertteýler ınstıtýtynyń ǵylymı qyzmetkeri Lesá Karataeva: «Jalpy odaq aıasyndaǵy bilimdi ortaqtastyrý ıdeıasy durys pa? Dál qazirgi kezeńde bul qısynsyz. Bul arada bizdiń bilim júıemizdegi erekshelikterdi nazarǵa alý kerek. Jaqyn arada Qazaqstan úsh tildi bilim berý standartyna kóshedi jáne bizdiń balalarǵa júkteler maqsat pen mindet te bólek bolmaq» dedi.
