Qazaqstanda uialy bailanys tarifteri 2026 jyly 15–20% qymbattaýy múmkin, dep habarlaidy Dalanews.kz.
Sala ókilderiniń aitýynsha, baǵanyń ósýine qosylǵan qun salyǵynyń (QQS) ulǵaiýy jáne trafik kóleminiń artýy negizgi sebep bolmaq.
"Kelesi jyly bizdi eleýli ózgeris kútip tur, iaǵni QQS mólsherlemesi ósedi. Bul salaǵa shamamen 35–40 mlrd teńge kóleminde áser etedi. Sondyqtan qańtar aiynda tarifterdi ózgertý josparda bar. Biyl baǵa taǵy qymbattaidy dep kútýge negiz joq. Tarifter shamamen 15–20 paiyzǵa ósedi dep oilaimyn", - Beeline Kazakhstan holdinginiń prezidenti Evgenii Nastradin
Tele2/Altel kompaniiasynyń basqarma tóraǵasy Aleksandr Babichev te tarifterdi qaita qaraý máselesin joqqa shyǵarmady. Onyń sózinshe, baǵa túzetýlerine salyq júktemesimen qatar trafiktiń artýy jáne valiýtalyq aýytqýlar áser etýde.
"15–20% — bul biz baǵdar etip otyrǵan deńgei. Biz valiýtanyń ózgerýin jáne bailanys sapasyn turaqty ustaý úshin qajet investitsiia kólemin de eskerip otyrmyz", - dedi ol.
Al Kcell kompaniiasynyń basqarma tóraǵasy ári bas atqarýshy direktory Asqar Jambakin qazirgi ýaqytta tariftik ózgerister boiynsha esepteý jumystary júrgizilip jatqanyn aitty.
