Shynymen, Pavlodar oblysynyń ákimi Qanat Bozymbaev nege bulai etkenin túsinbei-aq qoidyq.
«Atamannyń aqyry». Osy filmdi kórip pe edińiz? Klassika. Qazaqstannyń halyq ártisi, kinoakter, kinorejisser – Sháken Aimanovtyń túsirip ketken sońǵy eńbegi...
Qazaqta qanshama tulǵa bar. Áli kúnge deiin laiyqty baǵasyn almaǵan, ala almai kele jatqan... Sháken Aimanovty olardyń qataryna qosqymyz kelmeidi. Biraq, amal neshik.
Byltyr qazaq kinomatografiiasynyń negizin qalaǵan Aimanovtyń týǵanyna 100 jyl toldy. Osyǵan orai Qazaqstannyń túkpir-túkpirinde túrli mádeni-ádebi is-sharalar uiymdastyryldy. Durys. Urpaǵynyń umytpaǵanyn kórsetedi.
[caption id="attachment_12513" align="alignleft" width="315"]
Ókinishtisi, Sháken Aimanovtyń týǵan jeri Pavlodar oblysynda osy 100 jyldyqqa orai uiymdastyrylǵan sharalar sanaýly ǵana boldy. Pavlodar oblysynyń ákimi Qanat Bozymbaevtyń kóńiline kelse de aitaiyq, mundai is-sharalar óz deńgeiinde ótkizilgen joq.
Degenmen, muny kórip otyrǵan, bilip otyrǵan adamdar bar ǵoi.
Kerekýde aqsaqaldardyń yqpaly óte kúshti. Endeshe, biz úndemei qalsaq, eń aldymen eldiń aldynda uiat bolar edi.
Osy 100 jyldyq mereitoiǵa orai byltyrǵy jyly Sháken Aimanovtyń eskertkishi jasalyp, oblystyń ortalyǵy – Pavlodar qalasyna ornatylýy tiis edi. Ári kúttik, beri kúttik. Ákimshilik únsiz. Ne kerek, bul másele sozyla-sozyla biylǵy jylǵa da jetti.
Ne de bolsa biyldan qaldyrmas dep júrgende, mynadai jańalyq estidik: «Sháken Aimanovtyń jasalyp daiyn bolǵan eskertkishine oblys ortalyǵynan oryn tabylmai, aqyry týǵan jeri – Baianaýylǵa jóneltipti».
Jaraidy, oblys deńgeiinde tanylǵan azamat bolsa bir sári, túsiner edik. Biraq, búkil qazaq kinomatografiiasynyń negizin qalaǵan Sháken Aimanovtyń eskertkishine oblys ortalyǵynan bir oryn buiyrmaǵanyn qalai túsinse bolady? Sonshalyqty «qýǵyn-súrgin» kóretindei Aimanov ne jazdy?
Bir Pavlodardyń ózinde «sábettik» dáýirdi eske salatyn eskertkishterdiń birnesheýi tur. Kýtýzov, Sývorov siiaqty kóshelerdiń atyn ózgertýge ákimshilik bata bermeidi. Biraq, Aimanovtyń eskertkishin eshkimmen aqyldaspai-aq Baianaýylǵa jónelte salýǵa qoryqpaidy.
Iá, Baianaýyl Shákenniń týǵan jeri. Biraq, aýdandaǵy mektepte Aimanovtyń eskertkishi baiaǵydan bar. Bir aýdanǵa eki eskertkishtiń qandai qajeti bar endeshe? Odan da oblys ortalyǵyndaǵy alyp alleiasyna nege ornatpaimyz?
Bir jaǵynan Qanat Aldabergenulynyń bul sheshimine tańǵalyp otyrǵan jaiymyz bar. Qyzyq eken. Keibireýler aitady: «Bul óńirdiń týmasy bolmaǵandyqtan, osy óńirden shyqqan tulǵalardy kóp kózge ile birmeidi» dep. Kim bilsin... Anyǵynda, Sháken Aimanovqa qana emes, Júsipbek Aimaýytovqa da laiyqty qurmet kórsetilmei otyr. Bul týraly da aitqanbyz.
Osyndaǵy qazaqtyń rýhyn kóteretin dúnieler az qazir óńirde. Kópshilik is-sharalar ánsheiin kóz aldaý siiaqty kórinedi.
Biz qazaqtyń birtýar uly Sháken Aimanovtyń eskertkishi oblys ortalyǵyna qoiylýy qajet dep sanaimyz ári áigili jerlesimizge oblys basshylyǵy laiyqty qurmet kórsetedi dep oilaimyz.
Óitkeni Shákenniń deńgeidegi tulǵaǵa oblys ortalyǵynan oryn tabylmady deýdiń ózi uiat...
Temesh Senbai, Uly Otan soǵysynyń ardageri
Qabdolla Mýsin, Uly Otan soǵysynyń ardageri
Mahmet Demesinov, eńbek ardageri
Qahanbek Orazaly, eńbek ardageri
Tájibai Shaimardanov, eńbek ardageri
Oralbek Qojanov, eńbek ardageri
Muhit Omarov, ardager jýrnalist
