Aǵymdaǵy jyldyń 21 qazanynda Astana qalasyndaǵy №44 mektepte elimizdiń tarihyndaǵy uly tulǵalardyń biri- Raqymjan Qoshqarbaevtyń erligine arnalǵan taǵylymdy is- shara ótti dep habarlaidy Dalanews.kz.
Atalǵan sharany «Saraishyq» aýdanynyń Ardagerler keńesi uiymdastyryp otyr. Is- shara Astana qalasynyń «Saraishyq» aýdany ákimdiginiń apparaty men Qazaqstan Respýblikasy Qorǵanys ministrliginiń qoldaýymen ótti.
Jaskeqaliuly Tompiev «Saraishyq aýdandyq Ardagerler keńesi» tóraǵasynyń orynbasary óz sezimderimen de bólisip ótti:
«Búgin óte qýanyshty kún. Biz halyq qaharmany Raqymjan Qoshqarbaevtyń Berlindegi reihstaqqa týyn tikkenine 80 jyl tolyp otyr. Arnaiy biz búgin saltanatty jiyn ótkizdik. Qurmetti karaýl boldy. Ardagerler, basqa da qonaqtar Raqymjan Qoshqarbaevtyń memorialdy taqtasyna gúl shoqtaryn qoidy . Májilis zalynda saltanatty jiyn ótedi. Kontserttik baǵdarlama bolady. Jiynnan keiin Raqymjan Qoshqarbaevqa arnaiy as beremiz, iaǵni kelgen qonaqtarǵa, ardagerlerge»,- dep óz oiymen bólisip ótti.
Is- sharanyń basty maqsaty- tarihty umytpaý, erlikti dáripteý
Tarihty tek oqýlyqtan emes, osyndai taǵylymdy kezdesýler arqyly sanamyzǵa sińirý- búgingi býyn úshin asa mańyzdy. Sharanyń basty maqsaty- jas urpaqqa Raqymjan Qoshqarbaevtyń erligin úlgi etip kórsetý, Otanǵa degen súiispenshilikti oiatý.
Is- shara aiasynda:
Memlekettik organdar ókilderi, ardagerler, qoǵam qairatkerleri sóz sóilep, batyrdyń ómiri men erligi jaily taǵylymdy oilarymen bólisip ótti;
Mektep alańynda ornalasqan Raqymjan Qoshqarbaevtyń memorialdyq taqtasyna gúl shoqtary qoiylyp, únsizdik minýty jariialandy;
Oqýshylar men qonaqtarǵa arnalǵan kontserttik baǵdarlama, patriottyq ánder, sahnalyq qoiylymdar usynyldy.
Raqymjan Qoshqarbaevtyń esimi- urpaq sanasynda máńgilik saqtalatyn rýh simvoly. Onyń Reihstagqa tikken týy- búginde azat Qazaqstannyń jarqyn bolashaǵyna jol ashqan Jeńis týy.
