IIM mektepterde jarylǵysh zat qoiyldy degen eki jalǵan habardy áshkereledi, dep habarlaidy Dalanews.kz.
Birinshi jaǵdai Petropavl qalasynda tirkeldi. 112 nómirine orta mektepterdiń birine jarylǵysh zat qoiylǵany týraly qońyraý túsken. Oqiǵa ornyna dereý politsiia qyzmetkerleri jáne jarylǵysh zattardy zalalsyzdandyrý mamandary jiberildi. Tekseris barysynda kúmándi zattar tabylǵan joq.
Jedel izdestirý sharalarynyń nátijesinde kúdikti toǵyzynshy synyp oqýshysy ustaldy. Ol psihiatriialyq esepte turady.
Almaty oblysynyń Qarasai aýdandyq politsiia basqarmasynyń kezekshi bólimine de osyndai habarlama túsken. Belgisiz adam Qaskeleń qalasyndaǵy orta mektepterdiń birine bomba qoiylǵanyn aitqan. Alaida eshqandai jarylǵysh zat anyqtalǵan joq. Kóp uzamai tártip saqshylary jalǵan habar taratqan adamnyń jeke basyn anyqtady. Ol 16 jastaǵy jasóspirim bolyp shyqty.
"Bul jaittar boiynsha qylmystyq ister qozǵaldy", - dedi IIM ókili.
