Respýblika kúni qarsańynda Sý resýrstary jáne irrigatsiia ministri Nurjan Nurjigitov «Qazsýshar» RMK-nyń «D.Qonaev atyndaǵy Úlken Almaty kanaly» filialy mamandaryna jańa arnaiy tehnikanyń kiltterin tabystady. Qazirgi ýaqytta filialǵa júk kólikteri, traktorlar, tartqysh kólikter, ekskavatorlar, mototsiklder jáne basqa da tehnikalardy qosa alǵanda barlyǵy 47 tehnika jetkizildi, dep habarlaidy Dalanews.kz.
Filial barlyǵy 73 arnaiy tehnikamen qamtamasyz etiledi. Respýblika kóleminde «Qazsýshar» kásipornynyń filialdaryna jalpy sany 757 jańa tehnika berý josparlanǵan, onyń 524-i qazirdiń ózinde jetkizilgen.
Respýblika kúnine orai uiymdastyrylǵan saltanatty is-sharada ministr Almaty oblysynyń sý sharýashylyǵy salasynyń qyzmetkerlerine Alǵys hattar tabystady.
«Jańa ári zamanaýi tehnika filialdardyń jumys tiimdiligi men qaýipsizdigin arttyrady. Ministrlik bergen jabdyqtar men avtokólikter qazirdiń ózinde gidrotehnikalyq nysandardy jóndeý, salý jáne tazalaý jumystaryna paidalanylyp jatyr. Sonymen birge biz sý salasy qyzmetkerleriniń eńbek jaǵdaiyn jaqsartýǵa jáne olardyń mártebesin arttyrýǵa erekshe kóńil bólemiz. Biyl «Tabiǵi monopoliialar týraly» zańǵa sý sharýashylyǵy qyzmetkerleriniń jalaqysyn 50 paiyzǵa deiin arttyrýdy kózdeitin ózgerister engizildi. Sondai-aq ministrlik mamandardyń kásibi biliktiligin arttyrý jáne qaita daiarlaý baǵdarlamalaryn turaqty túrde uiymdastyryp keledi», – dedi Sý resýrstary jáne irrigatsiia ministri Nurjan Nurjigitov.
Almaty oblysyna jasaǵan jumys sapary aiasynda Nurjan Nurjigitov «Almaty oblysy sý sharýashylyǵy» memlekettik kommýnaldyq kásiporny men «Qazsýshar» RMK ókilderiniń qatysýymen keńes ótkizdi. Kezdesýde sý sharýashylyǵy nysandaryn salý jáne rekonstrýktsiialaý máseleleri, sondai-aq 2026 jylǵy sýarý maýsymyna daiyndyq barysy talqylandy.
