«...Meniń baiqaǵanym, torgashtardyń tuqymynan eshqashan memleketshil tulǵa shyqpaidy eken.
Olar ərtúrli sheteldik ekspansiialyq, diversiialyq jobalardan deldal bolyp úles alyp, aqsha tabý úshin únemi memleket múddesine qarsy əreket etedi.
Al jemqorlardyń jiylyp partiia qura almaityn sebebi, olar – memleket biýdjetin tonap baiyǵandar, iaǵni sheneýnik tonyn jamylyp alyp, memleket qazynasyn tonaǵan qaraqshylar. Al qaraqshyda memlekettik, ulttyq sana bolmaidy.
Olar eshqashan memlekttik sana biigine kóterile almaidy. Al oppozitsiialyq partiianyń deni memleketshil tulǵalardan, ulttyq býrjýaziia alpaýyttarynan jasaqtalýy tiis.
Kezinde bilik Býtia bastaǵan keleshek ulttyq býrjýaziia oligarhtarynyń kórin óz qolymen qazdy. Karmetkombinatty Býtiadan tartyp alyp, Úndistan evreii Lakshmi Mittalǵa sý teginge bere salǵany esińizde shyǵar. Bilik eger jórgeginde tunshyqtyrmaǵanda jerasty bailyǵy mol memlekette ulttyq býrjýaziia az ýaqytta esepsiz baiyp, óziniń biligine ie bermei ketetinin birden sezdi.
Sezdi de ulttyq býrjýaziiany qurdymǵa jiberdi. Sóitti de mańaiyna saýdagerlerdiń tuqymy – óńsheń jemqorlardy jiyp alyp, óziniń otyz jyldyq biligin qamtamasyz etti.
Al ulttyq býrjýaziia bolsa qazaqta əli joq. Qazaq ulttyq býrjýaziiasynyń joqtyǵynyń sazaiyn əli talai zaman tartatyn bolady.
Sebebi ulttyq býrjýaziiasy joq elge kóringen transkontinentaldy kompaniialar, Qytai siiaqty ajdaha memleketter qoja bolyp alady. Aldy da!
Qazirgi qazaq biliginde Qonaev zamanynan kele jatqan torgashtardyń tuqymdary óte kóp! Olar aqsha úshin sheteldik kompaniialardyń yqpalyna tez túsedi, sóitip memleket múddesin arsyzdyqpen satyp jiberip jatyr. Sonyń bir aiǵaǵy Londonǵa jiylǵan el tonap, esepsiz baiyǵan qashqyn qaraqshylar qurylǵaly jatqan jalǵyz oppozitsiialyq partiiany satyp jiberdi.
Eger ulttyq býrjýaziia bolǵanda qazaq qoǵamyndaǵy qazirgi sitýatsiia múlde basqasha sipatta órbir edi.
Men saiasattyń sasyq aýylynda shoshaiyp jalǵyz qalǵan Ermurat Bapi aǵamdy túsinemin, biraq amal neshik, ulttyq býrjýaziiasy, memleketshil tulǵalary joq eldiń saiasi ómiriniń siqy osylai bolyp qala bermek».
P.S. «Ulttyq biznes ókilderiniń qulaqtaryna altyn syrǵa. Iá, oppozitsiialyq qozǵalysqa biznes kelip qosylmaiynsha, árkim «óz qotyryn» ózi qasyp, «sen timeseń, men timen, badyraq kóz» bolyp júre bermek. Oppozitsiia túgil, osy Feisbýkti súzip shyǵalyq: munda Marǵulan Seisembai men Zeinulla Kakimzhanovtan basqa ulttyq biznestiń iri ókilderi bar ma eken? Betke basar on biznesmen taba alar ma ekensiz?», – deidi jýrnalist Ermurat Bapi.
