Erlan Qarin: "Qazir memlekettik qyzmetshilerdiń múlde jańa ahýalda jumys isteýine týra kelip otyr"

Qazaqstan Respýblikasynyń Memlekettik keńesshisi Erlan Qarin qazir memlekettik qyzmetshilerdiń múlde jańa ahýalda jumys isteýine týra kelip otyrǵanyn aitty, - dep habarlaidy Dalanews.kz.

Bir jaǵynan, memleket olardyń biliktiligine, moraldyq ustanymy men minez-qulqyna, tipti protsessýaldyq-normativtik mindetterine qatysty talaptardy kúsheitip jatyr. Ekinshi jaǵynan, halyqtyń da suranysy arta tústi. Memlekettik mekemeler ashyq jumys istei bastady. Túrli deńgeidegi laýa­zymdy tulǵalar nemen ainalysyp jatqanyn elge kórsetip, qyz­metin jan-jaqty túsindirý úshin kópshiliktiń aldyna jii shyǵatyn boldy.

Sonyń nátijesinde memlekettik apparattyń jumys tásili ózgerip, bilik qurylymdary barynsha ashyq, al sheshim qabyldaý úderisi jariialy ári tiimdi bola tústi. Bul, ásirese taiaýda bolǵan alapat tasqyn kezinde anyq baiqaldy. Tótenshe jaǵdai kezinde arnaýly apattyq-qutqarý qyzmetteri, jergilikti ákimdikter kúndiz-túni jumys istedi. Memleket basshysy jáne Úkimet deńgeiinde birneshe shuǵyl jinalys ótti. Prezident jaǵdaidy baqylaýda ustaý úshin qarǵyn sýdan eń qatty zardap shek­ken aimaqtarǵa arnaiy bardy. Jalpy, Memleket basshysynyń osyndai tótenshe jaǵdailar kezinde qiyndyqqa tap bolǵan otandastarymyzben únemi kezdesip, syn saǵatta olarǵa qoldaý kórsetýge tyrysatynyn atap ótken jón.

Memlekettiń eń basty mindeti – adam ómirin saqtaý jáne qiyn jaǵ­daiǵa ushyraǵan azamattardy qut­qarý. Sondyqtan eń aldymen, barlyq kúsh halyqty qaýipsiz jerge kóshirýge jumyldyryldy. Náti­jesinde, alapat tasqyn kezinde qutqarýshylar 119 myńnan astam adamdy, sonyń ishinde 44 myńnan astam balany evakýatsiialady.

Tótenshe jaǵdai bolǵan kezde bilik barlyq jaýapkershilikti óz moiynyna alyp, qiyn sátte jedel ári naqty sheshim qabyldai alatynyn taǵy bir márte kórsetti. Memlekettiń basqa da kóptegen mindeti bar. Bilik qurylymdary ulttyq qaýipsizdikti qamtamasyz etýden bastap eldi me­kenderdi abattandyrýǵa deiingi san túrli máselemen qatar ainalysyp, kúndelikti mindetteriniń bárin úz­diksiz atqara beredi.

Memlekettik apparat qoǵamnyń barlyq salasyndaǵy ózekti másele­lerdi sheshýmen de, aýqymdy refor­malardy júzege asyrýmen de qat-qabat ainalysý arqyly jańa jaǵ­daida jumys istep, mol tájiribe jinaqtap jatyr. Bul tájiribe Mem­leket basshysy aiqyndap bergen, elimizdi jan-jaqty jańǵyrtýǵa qatys­ty mindetterdi tabysty oryn­daýǵa septigin tigizeri sózsiz.