2030 jylǵa qarai energiia tapshylyǵy 6 GVt-qa jýyqtaidy. Bul taqyrypty Memleket basshysy Almatyda ǵalymdarmen kezdesken kezde qozǵady. Prezidenttiń aitýynsha, tapshylyqtyń kesirinen ekonomikanyń ósý qarqyny álsirep, júieli daǵdarysqa ákep soǵýy múmkin. Sonyń bir sheshimi retinde Toqaev atom energetikasyn atap ótti.
«Elimiz tabiǵi ýran óndirýden álemde birinshi orynda tur. Iadrolyq otyn komponentterin de ózi óndiredi. Bul bizdiń básekege qabiletti ekenimizdi kórsetedi. Muny paidalaný kerek. Degenmen bul máseleni jan-jaqty talqylap, kásibi ortada diskýssiia jasaý kerek. Biraq shý shyǵarmai, popýlizmsiz istegen durys» deidi Memleket basshysy.
@NRG_monitor bul týraly bylai deidi: "AES qurylysyna qatysty sheshimdi halyqqa artyp qoidy. Al negizi munymen halyq ta, prezident te emes, Úkimet ainalysýǵa tiis! Endi referendýmda taksister men popýlister QARSYMYZ dep daýys beredi de, sóitip kórshilerden elektr energiiasyn úsh ese qymbatqa satyp alyp otyramyz. Eldegi energiia júiesi qalypty jumys istep turýy úshin bizge AES asa qajet. Túsiniktirek bolýy úshin bylai aitaiyq: AES elektr energiiasynyń bir birliginiń generatsiiasy qalpyna keletin qýat kózderine qaraǵanda 3 ese kóp. Al nysandardyń qansha jyl turatynyna kelsek, qalpyna keletin qýat kózderiniń obektileri — 20-25 jylǵa, AES nysandary 60-80 jylǵa deiin jaramdy. Odan qala berdi AES-te stantsiiany ýtilizatsiialaýǵa bolady. Qalpyna keletin qýat kózderiniń stantsiialaryn olai jasai almaimyz. Sonda olardy qaida jiberemiz?".
