Búgin túske deiin «Qazaqstanda salynatyn atom elektr stantsiiasynyń (AES) quny qupiia bolady» degen aqparat tarady, dep habarlaidy dalanews.kz.
Osyǵan bailanysty Qazaqstannyń Atom energiiasy agenttigi resmi túsinikteme berdi.
Agenttik óz jumysynda barynsha ashyqtyq qaǵidatyn ustanatynyn málimdedi.
Vedomstvonyń habarlaýynsha, AES qurylysyna qatysty negizgi kelisimder men yntymaqtastyq sharttary ashyq derekkózderde jariialanady. Alaida jobanyń tehnologiialyq erekshelikteri, aýqymy jáne halyqaralyq tájiribe eskerilip, keibir máseleler qupiialylyq kelisimderimen retteledi. Soǵan sáikes jekelegen aqparattardyń taralýyna shekteý qoiylýy múmkin.
