Qazaqstannyń Atom energiiasy agenttiginiń tóraǵasy Almasadam Sátqaliev ekinshi atom elektr stantsiiasynyń (AES) qurylysyna qatysty málimetterdi aitty, dep habarlaidy Dalanews.kz.
Onyń sózinshe, nysandy ornalastyrý týraly sheshim qabyldanyp, stantsiiany Balqash mańynda salý josparlanǵan. Sonymen qatar jobanyń jumys ataýy da anyqtalǵan.
Sátqalievtiń aitýynsha, qazirgi ýaqytta Balqash óńirinde úsh yqtimal alań qarastyrylyp jatyr.
«Ekinshi stantsiia boiynsha sheshim bar. Ol da Balqashta ornalasady. Qazir úsh perspektivaly alań zerttelýde. Qaraý qorytyndysy boiynsha naqty ornalasqan jerin mindetti túrde habarlaimyz», – dedi agenttik basshysy Aqorda kýlýarynda.
Ol sondai-aq jobaǵa «Moiynqum» AES degen jumys ataýy berilgenin atap ótti. Bul ataý stantsiianyń boljamdy ornalasý aimaǵyna bailanysty tańdalǵan.
Jospar boiynsha jańa atom elektr stantsiiasy árqaisysynyń qýaty 1200 megavatt bolatyn eki energobloktan turady.
Budan bólek, Sátqaliev áleýetti seriktestermen tehnologiia jetkizýshini tańdaý boiynsha kelissózder júrip jatqanyn aitty. Onyń sózinshe, basym seriktes retinde China National Nuclear Corporation qarastyrylyp otyr.
