قازاقستاننىڭ اتوم ەنەرگيياسى اگەنتتٸگٸنٸڭ تٶراعاسى الماسادام سەتقاليەۆ ەكٸنشٸ اتوم ەلەكتر ستانتسيياسىنىڭ (اەس) قۇرىلىسىنا قاتىستى مەلٸمەتتەردٸ ايتتى, دەپ حابارلايدى Dalanews.kz.
ونىڭ سٶزٸنشە, نىساندى ورنالاستىرۋ تۋرالى شەشٸم قابىلدانىپ, ستانتسييانى بالقاش ماڭىندا سالۋ جوسپارلانعان. سونىمەن قاتار جوبانىڭ جۇمىس اتاۋى دا انىقتالعان.
سەتقاليەۆتٸڭ ايتۋىنشا, قازٸرگٸ ۋاقىتتا بالقاش ٶڭٸرٸندە ٷش ىقتيمال الاڭ قاراستىرىلىپ جاتىر.
«ەكٸنشٸ ستانتسييا بويىنشا شەشٸم بار. ول دا بالقاشتا ورنالاسادى. قازٸر ٷش پەرسپەكتيۆالى الاڭ زەرتتەلۋدە. قاراۋ قورىتىندىسى بويىنشا ناقتى ورنالاسقان جەرٸن مٸندەتتٸ تٷردە حابارلايمىز», – دەدٸ اگەنتتٸك باسشىسى اقوردا كۋلۋارىندا.
ول سونداي-اق جوباعا «مويىنقۇم» اەس دەگەن جۇمىس اتاۋى بەرٸلگەنٸن اتاپ ٶتتٸ. بۇل اتاۋ ستانتسييانىڭ بولجامدى ورنالاسۋ ايماعىنا بايلانىستى تاڭدالعان.
جوسپار بويىنشا جاڭا اتوم ەلەكتر ستانتسيياسى ەرقايسىسىنىڭ قۋاتى 1200 مەگاۆاتت بولاتىن ەكٸ ەنەرگوبلوكتان تۇرادى.
بۇدان بٶلەك, سەتقاليەۆ ەلەۋەتتٸ سەرٸكتەستەرمەن تەحنولوگييا جەتكٸزۋشٸنٸ تاڭداۋ بويىنشا كەلٸسسٶزدەر جٷرٸپ جاتقانىن ايتتى. ونىڭ سٶزٸنشە, باسىم سەرٸكتەس رەتٸندە China National Nuclear Corporation قاراستىرىلىپ وتىر.
