Almatyda Uly Otan soǵysyndaǵy Jeńistiń 81 jyldyǵyna orai eske alý jáne merekelik is-sharalar ótti, dep habarlaidy dalanews.kz.
Negizgi baǵdarlama dástúrli túrde 28 gvardiiashy-panfilovshylar atyndaǵy saiabaqta uiymdastyryldy.
Munda qala ákimi Darhan Satybaldynyń qatysýymen Dańq memorialyndaǵy Máńgilik alaýyna gúl shoqtaryn qoiý rásimi ótti.
Maidanda qaza tapqan qazaqstandyq jaýyngerlerdiń rýhyna Uly Otan soǵysynyń ardagerleri, tyl eńbekkerleri, áskeri qyzmetshiler, quqyq qorǵaý organdarynyń ókilderi, qoǵam qairatkerleri men qala turǵyndary bir minýt únsizdikpen taǵzym etti.
Saiabaqta qala turǵyndary men qonaqtary úshin dala ashanasy uiymdastyrylyp, qazaqstandyq artister men shyǵarmashylyq ujymdardyń qatysýymen merekelik kontsert ótti. Baǵdarlama barysynda maidan ánderi men soǵystan keiingi jyldardyń tanymal kompozitsiialary oryndaldy.
Aita keteiik, Jeńis kúnine orai Uly Otan soǵysynyń ardagerlerine jáne azamattardyń ózge de sanattaryna birjolǵy áleýmettik kómek kórsetildi. Atap aitqanda, 15 UOS ardagerine 5 mln teńgeden tólem berildi.
Sondai-aq, áskeri is-qimyldarǵa qatysýshylarǵa, tyl eńbekkerlerine, ardagerlerge teńestirilgen tulǵalarǵa jáne qaitys bolǵan ardagerlerdiń jubaiyna materialdyq qoldaý kórsetildi.
