Qazaqstanda atom elektr stantsiiasyn salý úshin Reseiden memleketaralyq nesie tartý josparlanyp otyr. Bul týraly Atom energiiasy agenttiginiń tóraǵasy Almasadam Sátqaliev aitty, dep habarlaidy Dalanews.kz.
Onyń sózinshe, jobaǵa qarjy tabýda qiyndyq týyndamaidy. Qazir Qazaqstan men Resei memleketaralyq nesie berý tetigin pysyqtap jatyr.
"Birinshi kelisim atom stantsiiasyn salýǵa qatysty bolsa, ekinshisi Resei tarapynan qarjylandyrý boiynsha. Joba qunynyń 85 paiyzy nesie esebinen, al 15 paiyzy Qazaqstan Úkimeti tarapynan jabylady. Qujattar joǵary daiyndyq deńgeiinde", - dedi ol.
Jobanyń naqty quny jobalaý jumystary aiaqtalǵan soń belgili bolady. Aldyn ala esep boiynsha árqaisynyń qýaty 1200 megavatt bolatyn eki energoblokqa shamamen 15 milliard dollar qajet.
