قازاقستاندا اتوم ەلەكتر ستانتسيياسىن سالۋ ٷشٸن رەسەيدەن مەملەكەتارالىق نەسيە تارتۋ جوسپارلانىپ وتىر. بۇل تۋرالى اتوم ەنەرگيياسى اگەنتتٸگٸنٸڭ تٶراعاسى الماسادام سەتقاليەۆ ايتتى, دەپ حابارلايدى Dalanews.kz.
ونىڭ سٶزٸنشە, جوباعا قارجى تابۋدا قيىندىق تۋىندامايدى. قازٸر قازاقستان مەن رەسەي مەملەكەتارالىق نەسيە بەرۋ تەتٸگٸن پىسىقتاپ جاتىر.
"بٸرٸنشٸ كەلٸسٸم اتوم ستانتسيياسىن سالۋعا قاتىستى بولسا, ەكٸنشٸسٸ رەسەي تاراپىنان قارجىلاندىرۋ بويىنشا. جوبا قۇنىنىڭ 85 پايىزى نەسيە ەسەبٸنەن, ال 15 پايىزى قازاقستان ٷكٸمەتٸ تاراپىنان جابىلادى. قۇجاتتار جوعارى دايىندىق دەڭگەيٸندە", - دەدٸ ول.
جوبانىڭ ناقتى قۇنى جوبالاۋ جۇمىستارى اياقتالعان سوڭ بەلگٸلٸ بولادى. الدىن الا ەسەپ بويىنشا ەرقايسىنىڭ قۋاتى 1200 مەگاۆاتت بولاتىن ەكٸ ەنەرگوبلوكقا شامامەن 15 ميلليارد دوللار قاجەت.
